Maj kuali tikuikan amaixmej tein mokixtiaj itech Biblia

Jesús tamachtij ke “keme Dios namechtayokolij [...] no ijkon xiktekitiltikan uan amo teyi xikintopaluikan” oso amo xikintaxtaualtikan (Mt 10:8). Tiktakamatij nejon keman titemakaj Biblias uan amaixmej uan amo tikiniluiaj maj kiixtauakan (2Co 2:17). Sayoj ke nejin amaixmej kipiaj tamachtilismej tein melaujkej tein kitelpia ipatiuj tein kitemaka iTajtol Dios. Uan no, moneki miak tomin uan chikaujkayot keman moamakixtiaj uan motitanij itech nechikolmej tein moajsij semanauak taltikpak. Yejua ika moneki tikuikaskej sayoj tein tikuiskej.

Kuali xiontaixejeko keman tikontemakas amaixmej hasta ijkuak tiontanojnotsas senteixtenoj (Mt 7:6). Amo xikonmaka amaixmej nochin akin panoskej, ta xikontemo tiontajtos iniuan uan ijkon tikonmatis ox kinekij kimatiskej okachi. Xikonnemili ox taltikpaknenkej kichiua se taman tein kijtoua recuadro. Komo amo senkis tikonmati ox aksa kineki kimatis okachi, kuali yeskia xikonmaka se tratado. Sayoj ke komo techtajtania se revista oso se amaix, ika miak pakilis tikmakaskej (Pr 3:27, 28).