Maj okachi kuali titanojnotsakan: Xikonpaleui akin kinekij mochiuaskej itatojtokakauan Jesús

KEYEJ MOTELNEKI: Jiova kichiua maj tamachtilis tein melauak ajsi itech ininyolo akin yekmelauj kinekij motokiskej iuan (Hch 13:48, TNM; 1Co 3:7). Tejuan titekitij iuan keman tiktemouaj tikinpaleuiskej akin kichiuaj tein momachtiaj (1Co 9:26). Yejuan moneki kiajsikamatiskej ke komo kinekij momakixtiskej moneki moauiskej (1Pe 3:21). Komo tiknekij maj akin tikinmachtiaj ika Biblia mochiuakan itatojtokakauan Cristo, moneki tikinpaleuiskej maj kipatakan ininnemilis, maj tanojnotsakan, maj kinmachtikan oksekin uan maj motemaktikan iuan Jiova (Mt 28:19, 20).

KENIUJ TIKCHIUASKEJ

• Xikonelnamikti ke tikonmachtia ika Biblia porin tikonneki maj kiixmati Jiova uan maj kiyolpakti (Jn 17:3).

• Xikonpaleui maj kikaua amo kuali tachiualismej uan amo kuali tasojiknimej. Nejon kipaleuis maj okachi kichikaua itakuaujtamatilis.

• Xikonyolchikaua achto uan satepan ke moauis (Hch 14:22, TNM).

SATEPAN KE MOITAS VIDEO JIOVA MITSPALEUIS, XIKONNANKILI NEJIN NETAJTANILMEJ:

• ¿Toni ueliskia kitsakuilis aksa maj motemakti uan maj moaui?

• ¿Keniuj tayekananij uelis kinpaleuiskej momachtianij maj kichikauakan inintakuaujtamatilis?

• ¿Toni techmachtia Isaías 41:10 kemej tamati Jiova?

• ¿Toni kualneskayomej techpaleuiskej maj tiktekitilikan Jiova kemej yejuatsin kiyolpaktia maski titajtakouanij?