“Xikintamotakan tiotsitsin tein amo melaujkej”

Itech itonaluan Jacob ayamo onkaya se tanauatil tein kijtouaya ke moneki amo se kinueyichiuas tiotsitsin. Maski ijkon, yejua kimatia ke sayoj Jiova kinamiki maj se kiueyichiua (Éx 20:3-5). Yejua ika, keman Jiova kiluij maj mokepani Betel, Jacob kiniluij ichankauan uan akin iuan yayaj maj kintamotanij inintiotsitsin. Satepan, Jacob kintalpachoj nejon tiotsitsin uan pipilolmej tein sekin kinemiliayaj ke no kinpaleuiaya (Gé 35:1-4). Jiova kiyolpaktij tein Jacob kichiuak.

¿Keniuj uelis tiknextiskej ke sayoj tikueyichiuaj Jiova? Yekinika, moneki amo tikpiaskej teisa tein mouika ika tiotsitsin oso ika naualot. Yejua ika, moneki tikixpoloskej tein yeski taman tein mouikas ika naualot. No moneki timoyekpiaskej ika tein timoixpetaniaj. Xionmotajtani: “¿Nikixtajtoltia amaixmej oso nikita películas kampa nesij vampiros, mikemej akin yoltokej oso okseki taman tein kichiuaj amokuali ejekamej? ¿Nimoixpetania ika seki taman tein mouika ika magia, naualot oso keman kinnaualuiaj oksekin porin niknemilia ke amo nechijtakos?”. Moneki senkis amo timotokiskej itech tein yeski taman tein Jiova kitauelita (Sl 97:10).

SATEPAN KE MOITAS VIDEO “XIKIXTOPEUAKAN IN AMOKUALI”, XIKONNANKILI NEJIN NETAJTANILMEJ:

• 

  ¿Toni kipanouaya se siuat akin momachtiaya Biblia akin monotsaya Palesa?

• 

  ¿Keyej moneki tikintajtaniskej tayekananij maj techpaleuikan komo tikpiaj se kuejmol tein mouika ika naualot oso ika tein kichiuaj amokuali ejekamej?

• 

  Komo tiknekij maj Jiova techyekpia, ¿toni moneki tikixpoloskej?

• ¿Toni kiixpejpenak kichiuas Palesa?

• ¿Keniuj uelis tikonixtopeuas tein kichiuaj amokuali ejekamej kampa tionnemi?