TONEMILIS KEMEJ ITATOJTOKAKAUAN CRISTO
Jiova kinyekpia itekitikauan
Semi kipiak ipatiuj keman mochiuak yekinika Pascua. Nejon youak, keman akin tekiuajtia Egipto kiitak ke ikoneuj akin tayekanaya momikilij, niman kiluij Moisés: “¡Xiyakanya! Amo touan xiyetokanok, namejuan uan israelitas. Xikueyichiuatij Jiova kemej nankijtojkej” (Éx 12:31). Jiova kinextij ke nochipa kinpaleuia itekitikauan.
Keman tikitaj tein mochiuani itech ixolal Dios, senkis tikitaj ke Jiova kinixyekana uan kinyekpia itekitikauan. Yejua nejon tein nesi itech museo itech ueyi kali kampa techixyekanaj tein motokaytia “Se xolal tein kiuika itokay Jiova”.
SATEPAN KE MOITAS VIDEO MUSEO TEIN MOAJSI WARWICK: “SE XOLAL TEIN KIUIKA ITOKAY JIOVA”, XIKONNANKILI NEJIN NETAJTANILMEJ:
¿Keniuj momachtianij ika Biblia kiteixmatiltijkej tamachtilis tein melauak itech xiuit 1914 uan keyej semi tapaleuij?
¿Toni kiixnamikkej tokniuan itech xiujmej 1916 uan 1918 uan toni kinextia ke Jiova kiixyekantoya inechikol?
¿Toni kinpaleuij itekitikauan Dios maj amo kikauakan maski kinixnamikkej?
¿Toni kiajsikamatkej itekitikauan Jiova itech xiuit 1935 uan keniuj kinpaleuij?
Komo tionyaniya itech nejin museo oso tein moajsi itech okse sucursal, ¿keniuj mitsonpaleuiani okachi xiontakuaujtamati ke Jiova kiixyekana uan kiyekpia inechikol?