Itokay Dios (tein okachi ixnesi) itech se uejkauj tajkuilol.
¿Toni kijtoua Biblia?
¿Kipia Dios se tokayit?
SEKIN KIJTOUAJ ke amo kipia itokay, oksekin kijtouaj ke itokay yejua Dios oso toTeko, uan moajsij akin kinemiliaj ke kipia tel miak tokaymej. ¿Toni tikonijtoskia tejuatsin?
TEIN KIJTOUA BIBLIA
“Tejua, akin motokay Jiova, sayoj tejua okachi tiUeyichiujkej itech nochi taltikpak” (Salmo 83:18 [82:19 oso 83:19 itech okseki Biblias]).
¿TONI OKACHI KIJTOUA BIBLIA?
Maski Dios moixmati ika miak tataman tokaymej, yejuatsin motalilij sayoj se tokayit (Éxodo 3:15).
Dios amo se aksa akin amo moixmati, ta yejuatsin kineki maj tikixmatikan (Hechos 17:27).
Tikmatiskej itokay Dios yejua yekinika taman tein techpaleuis maj kuali iuan timouikakan (Santiago 4:8).
¿Kuali yetok maj se kijto itokay Dios?
¿TONI TIKONIJTOSKIA TEJUATSIN?
Kemaj
Amo
Xa uelis
TEIN KIJTOUA BIBLIA
“Amo xikmouispolo itokay moDios Jiova” (Éxodo 20:7). Sayoj amo kuali yetok maj se kikui itokay Dios komo amo se kipoujkaita (Jeremías 29:9).
¿TONI OKACHI KIJTOUA BIBLIA?
Jesús kimatia katiyejua itokay Dios uan kikuia (Juan 17:25, 26).
Dios, techyoleua maj tiknotsakan ika itokay (Salmo 105:1).
Akin kiixnamikij Dios kitemouaj maj itokay moelkaua (Jeremías 23:27).