Maj tikpatiuitakan kuali timouikaskej iuan Jiova

Tiitaixpantijkauan Jiova akin timotemaktijkejya uan timoauijkejya, tikpiaj ueyi tatiochiualis kuali timouikaskej iuan Jiova, akin okachi Ueyi Taixyekankej. Dios kichiuak maj iuan timotokikan itechkopa iKonetsin uan techkaki keman tiktataujtiaj (Sl 34:15; Jn 6:44).

Kemej semi kipia ipatiuj kuali timouikaskej iuan Dios, ¿toni techpaleuis maj nochipa iuan timouikakan? Maj amo tikchiuakan tein amo kuali kemej israelitas. Maski kijtojkaj ke nochipa kitakamatiskiaj Jiova, tepitsin satepan kichijchiujkej se kuakuejkonet tachijchiuj ika oro uan kiueyichiujkej (Éx 32:7, 8; 1Co 10:7, 11, 14). Maj timotajtanikan: “¿Toni nikchiua keman nimoajsi itech se tayejyekolis? ¿Kinextia tein nikchiua ke nikpatiuita kuali nimouikas iuan Jiova?”. Kemej semi tiktasojtaj toTajtsin, amo tiknekij tikchiuaskej tein yejuatsin amo kiuelita (Sl 97:10).

SATEPAN KE MOITAS VIDEO MAJ AMO TIKPOLOKAN TOKUALI UIKALIS IUAN JIOVA (COL 3:5), XIKONNANKILI NEJIN NETAJTANILMEJ:

• ¿Toni xijxikuiyot?

• ¿Keyej semi amo kuali maj tikueyichiuakan okse taman uan maj tixijxikuimej?

• ¿Keyej auilnemilis kemej yeskia se kiueyichiuas teisa?

• ¿Keyej akin kipiaj se tekit itech nechikol semi moneki maj kiitakan tein kinpoloua ininnamik?