TONEMILIS KEMEJ ITATOJTOKAKAUAN CRISTO
Telpoch, ¿yejua Jiova akin okachi motasojikniuj?
Keman tikajsi se motasojikniuj, xa tikchia maj amo tekaua, maj yolkuali uan maj kualtakat. Yejua nejon kichiua Jiova (Éx 34:6; Hch 14:17). Yejuatsin mitskaki keman tiktataujtia uan nochipa mitspaleuia keman moneki (Sl 18:19, 35). Uan no, mitstapojpoluia keman timopoloua (1Jn 1:9). ¡Semi kualtsin maj iuan timouikakan Jiova!
¿Keniuj uelis timouikas iuan Jiova? Xikixtajtolti Biblia porin ijkon tikixmatis uan iuan titakuaujtamatis (Sl 62:8; 142:2). Xiknextili ke no tikpatiuita tein yejuatsin kipatiuita, kemej iKonetsin, iTekiuajyo uan tein kiixtalijtok kichiuas satepan. Uan no, xikinilui oksekin akoni Jiova (Dt 32:3). Komo kuali timouika iuan Jiova, yejuatsin nochipa mitspaleuis (Sl 73:25, 26, 28).
SATEPAN KE MOITAS VIDEO TELPOCHMEJ: “XIKITAKAN KE JIOVA YOLKUALI”, XIKONNANKILI NEJIN NETAJTANILMEJ:
¿Toni moneki tikchiuas achto ke timotemaktis iuan Jiova uan timoauis?
¿Keniuj uelis mitspaleuiskej tokniuan itech nechikol okachi xiktekitili Jiova?
¿Keniuj okachi timouikas iuan Jiova komo titanojnotsa?
Nochipa uelis timouikas iuan Jiova.
¿Toni okseki tekimej tikselis komo okachi tiktekitilia Jiova?
¿Toni taman okachi tikuelita kemej tanemilia Jiova?