Kuali xionmouika iuan monamik

Keman se takat uan se siuat moiluiaj ke nochipa motasojtaskej, Jiova kiita ke semi yektik tein moiluiaj uan kineki maj nochipa senyetokan (Mt 19:5, 6). Itech ixolal Dios moajsij miakej akin monamiktijkejya uan yolpakij. Sayoj ke kemej nochin tajtakolejkej kipiaj kuejmolmej. Akin kipiaj ininnamik maj amo keman kinemilikan ke uelis kiyektaliskej ininkuejmoluan komo moxelouaj oso mokauaj. ¿Keniuj tokniuan uelis nochipa kuali mouikaskej iuan ininnamik?

Maj tikitakan makuil taman.

1. Xikonyekpia moyolo uan amo xikonnextili ke tikonuelita akin amo monamik, nion xikonita auilnemilis, porin nejin yolik kichiuas amo kuali xionmouikakanok (Mt 5:28; 2Pe 2:14).

2. Xionmochikaua okachi kuali tionmouikas iuan Jiova uan no iuan monamik ijkon kemej yejuatsin kiyolpaktia (Sl 97:10).

3. Xikonsentoka xikonnexti kualneskayomej uan xikonnextili ke tikontasojta porin nejon kipaleuis maj yolpaki (Col 3:8-10, 12-14).

4. Kuali iuan xionmonojnotsa monamik uan xikonpoujkaita (Col 4:6).

5. Xikonnextili ke semi tikontasojta keman iuan tionmotekas (1Co 7:3, 4; 10:24).

Komo tokniuan kipoujkaitaj ininnenamiktilis kinextiaj ke kipoujkaitaj Jiova porin yejuatsin kiixtalij.

SATEPAN KE MOITAS VIDEO MONEKI TIMOTALOSKEJ IKA TAXIKOLIS: MAJ TIKTAKAMATIKAN TEIN MOIXTALIANI, XIKONNANKILI NEJIN NETAJTANILMEJ:

• 

  Maski keman omen monamiktiaj semi yolpakij, ¿toni kuejmolmej uelis kipiaskej satepan?

• 

  ¿Keniuj uelis kinpaleuis tein Biblia kijtoua akin kimachiliaj ke amo motasojtajok?

• 

  ¿Toni kiniluia Jiova maj kichiuakan akin monamiktijkejya?

• ¿Toni moneki kichiuas takat uan siuat akin monamiktijkejya tein kinpaleuis maj yolpakikan?