Jiova uan Jesús kichiuaskej maj tikpiakan yeknemilis

¿Toni tein ouij mojmostaj tikonpanoua? ¿Tikonixyekana mochankauan uan tikonchiua tein moneki hasta kampa ueli? ¿Moselti tikoniskaltijtok mokoneuan uan ouij tikonixpanoltia mochankauan? ¿Mitskuejmolouaj kampa timomachtia? ¿Tionmokokoua oso tiontajyouia porin tionxiuejya? Tinochin tikpiaj kuejmolmej, sayoj ke miakej tokniuan moneki kiixnamikiskej okachi kuejmolmej. Yejua ika, tiyolpakij tikmatiskej ke amo uejkaua amo titajyouiskejok (2Co 4:16-18).

Maski ayamo mochiua tein tikchiaj, techyolseuia tikmatiskej ke Jiova kiita tein tikpanouaj, kipatiuita keman titaxikouaj uan amo tikauaj, no techiluia ke techtatiochiuis satepan (Jer 29:11, 12). Jesús no toka motekipachoua. Yejua ika keman timochikauaj tikchiuaskej itekiyo Dios, Jesús kijtoua: “Niyetos nachipa namouan” (Mt 28:20). Komo itech titanemiliaj keniuj tiyeknemiskej keman taixyekantos iTekiuajyo Dios, okachi tikchiaskej maj mochiua uan okachi uelis tikxikoskej tein techpanos (Ro 8:19-21).

SATEPAN KE MOITAS VIDEO IJKON KEMEJ MOTOKIA UEYI TAJYOUILIS, MAJ TIKTOJTOKAKAN CRISTO IKA NEJMACHKAYOT, XIKONNANKILI NEJIN NETAJTANILMEJ:

• ¿Keniuj taltikpakneminij mouejkatilianij iuan Dios uan toni techpanoua?

• ¿Toni uelis kichiaskej akin amo kikauaj Jiova?

• ¿Keyej uelis tikchiaskej maj satepan kualtsin tinemikan?

• ¿Toni tatiochiualismej okachi tikonneki maj mochiua?