TONEMILIS KEMEJ ITATOJTOKAKAUAN CRISTO
Jehová techpaleuia maj titaxikokan keman tikpanouaj ouijkayomej
Itech nejin itamian tonalmej tinochin tikpanouaj ouijkayomej. Uan kemansa tikmachiliaj ke amo ueli titaxikouajok. Sayoj ke komo tiksentokaj tiktajtaniaj Jehová maj techpaleui uelis tikxikoskej tein yeski taman, maski yeski se teisa tein semi techyolkokos (Is 43:2, 4). Komo tejuatsin tikonpanotok se ouijkayot, ¿toni mitsonpaleuis xionmotoki iuan Jehová?
Netataujtil. Komo tiktapouiaj Jehová keniuj timomachiliaj, yejuatsin techyolseuis uan techmakas chikaualis tein techpaleuis maj titaxikokan (Flp 4:6, 7; 1Te 5:17).
Nechikolmej. Axkan okachi moneki tikseliskej itamachtilis Jehová uan maj tokniuan techyolchikauakan itech nechikolmej (Heb 10:24, 25). Keman kuali timomachtiaj achto ke tiaskej nechikolmej, tiouij uan titanankiliaj, tiknextiaj ke timokauaj maj ichikaualis Dios techpaleui (Ap 2:29).
Tanojnotsalis. Komo timochikauaj tiksentokaskej titanojnotsaskej, techpaleuis maj amo sayoj itech titanemilikan tein amo kuali tein tikpanotokej. Uan no, keman titanojnotsaj tisentekitij iuan Jehová uan tokniuan, uan nejon kichiua maj okachi kuali timouikakan iniuan (1Co 3:5-10).
SATEPAN KE TIKONITAS VIDEO JEHOVÁ MITSYEKPIAS, XIKONNANKILI NEJIN NETAJTANILMEJ:
¿Toni kipaleuij Malu maj kisentoka kuali mouika iuan Jehová?
Ijkon kemej Malu, ¿keniuj techyolchikaua tein kijtoua Salmo 34:18?
Ika tein kipanok Malu, ¿keniuj kinextia ke Jehová techmaka “chikaualis tein toselti amo ueli tikpiaj” keman tikpanouaj ouijkayomej? (2Co 4:7).