TONEMILIS KEMEJ ITATOJTOKAKAUAN CRISTO
Telpochmej uan ichpochmej, nochipa xitajtokan iniuan namotatuan
¿Keyej moneki tikintapouis motatuan tein tiknemilia? (Pr 23:26). Porin Jiova kinnauatia maj mitsyekpiakan uan maj mitspaleuikan xikmati toni tikchiuas (Sl 127:3, 4). Yejuan amo uelis mitspaleuiskej komo amo tikiniluia toni mitstekipachoua. Uan amo sayoj nejon, ta amo uelis mitsmachtiskej nochi tein kimatij. Sayoj ke, ¿yekmelauj moneki tikintapouis nochi? Amo nochipa, sayoj ke amo xikintatili teisa tein monekiskia kimatiskej (Pr 3:32).
¿Keniuj uelis titajtos iniuan motatuan? Xikita kemanian okachi uelis nantajtoskej. No uelis tikijkuilouilis mopopaj oso momomaj se amat kampa tikiluis keniuj timomachilia. Sayoj ke, ¿toni moneki tikchiuas komo yejuan kinekij ika tajtoskej teisa uan tejua amo? Xikelnamiki ke yejuan amo mitstauelitaj, ta ke kinekij mitspaleuiskej. Komo timochikaua nochipa titajtos iniuan motatuan, tein mitsiluiskej mitspaleuis axkan uan satepan (Pr 4:10-12).
SATEPAN KE TIKITAS VIDEO KEMAN TITELPOCH OSO TIICHPOCH: KENIUJ UELIS TITAJTOS INIUAN MOTATUAN, XIKNANKILI NEJIN NETAJTANILMEJ:
¿Toni kijtojkej ke kichiuayaj Esther uan Partik?
¿Toni uelis mitsmachtis tein kichiuaya Jesús?
¿Keniuj mitsnextilianij motatuan ke mitstasojtaj?
Motatuan kinekij nochipa xiyolpaki.
¿Toni tayolmajxitilis tein kitemaka Biblia uelis mitspaleuis xitajto iniuan motatuan?