Uelis tiontapaleuis maj mochankauan okachi yolpakikan

Jehová kineki maj kalyetonij yolpakikan (Sl 127:3-5; Ec 9:9; 11:9). Sayoj ke, kemansa uelis amo tiyolpakiskejok iniuan tochankauan porin tikchiujkej tein amo kuali oso sayoj porin tisioujtokej. ¿Toni uelis tikchiuaskej tisejsemej para maj okachi tiyolpakikan?

Se takatsin akin yolkuali, kiajsikamati isiuatsin (1Pe 3:7). Kixeloua tiempo para iuan yetos, amo kitajtania tein amo uelis kichiuas uan kitasojkamatilia porin kipaleuia uan kinyekpia ichankauan (Col 3:15). Kiluia ke semi kitasojta uan kiueyitalia (Pr 31:28, 31).

Se siuatsin aki yolkuali, nochipa mochikaua kipaleuis itakatsin (Pr 31:12). Mokaua maj kiixyekana uan kipaleuia (Col 3:18). Kuali kinojnotsa uan amo kijijtoua (Pr 31:26).

Tetatmej akin kuali kiniskaltiaj ininkoneuan, kixelouaj tiempo para iniuan yetoskej (Dt 6:6, 7). Kiniluiaj ke semi kintasojtaj (Mt 3:17). Kimatij kemanian uan keniuj kinmelauaskej, uan keman kichiuaj amo kinyolajxitiaj (Ef 6:4).

Konemej akin kichiuaj tein kuali, kinpoujkaitaj uan kintakamatij inintatuan (Pr 23:22). Kintapouiaj tein kinemiliaj uan keniuj momachiliaj. Mokauaj maj kinmelauakan uan kinpoujkaitaj inintatuan (Pr 19:20).

SATEPAN KE MOITAS VIDEO KENIUJ UELIS TIYOLPAKISKEJ KEMEJ KALYETOUANIJ, XIKONNANKILI NEJIN NETAJTANIL:

¿Toni kichiujkej sejsemej para maj nochin yolpakinij?