¿Toni uelis kuali techixyekanas itech nejin tonalmej?
Nochi tein mochiua itech nejin taltikpak mopapata, yejua ika, ¿keniuj uelis tikmatiskej ox tein tikixtaliskej tikchiuaskej kuali kisas? ¿Keniuj uelis tikmatiskej ox satepan amo mopatas tein axkan kiitaj ke kuali yetok?
Tein Biblia tayolmajxitia uelis techpaleuis para maj kuali techkisa tein tikixtaliskej tikchiuaskej. ¿Keyej? Porin toDios akin techchijchiuak techmakak Biblia, uan yejuatsin kuali kimati toni techpaleuis maj kuali tietokan uan maj tiyolpakikan.
“Yejua mitsiluiani [...] tein kuali” (Miqueas 6:8).
Uelis tikneltokaskej ke tein Biblia tayolmajxitia yekmelauj techpaleuis, porin tein ompa kijtoua “nochipa takuaujtamach” (Salmo 111:8).
¿Tikonuelitaskia tikonmatis keniuj Biblia uelis mitsonpaleuis itech nejin tonalmej kampa miak taman mopapata?