TEIN IKA TIMOMACHTIAJ

Moneki maj tiknemilikan tein Jiova kichiuani tein ika techpaleuiani uan maj tiktasojkamatilikan. Nejon techpaleuis maj nochipa tiktasojkamatikan teisa uan okachi amo techouijmakas tikxikoskej kuejmolmej tein tikpiaskej. Texto itech xiuit 2015 techelnamiktis nejon tanemilil itech nochi xiuit.

Nejin tamachtilis kimelaua keyej moneki timosentiliskej keman moelnamikis imikilis Cristo. No techiluia toni kijtosneki pan uan vino, uan keniuj kimati aksa ke uelis kikuas nejon pan uan tayis nejon vino. No techpaleuis maj tikchiuakan seki taman tein moneki achto ke tikelnamikiskej imikilis Cristo.

Namikuanij moneki kichiuaskej tein kinpaleuis maj kiixnamikikan tayejyekolis tein onkak nikan taltikpak kampa taixyekantok Satanás. Ika inepaleuil Jiova, yejuan uelis yolpakiskej. Yekinika tamachtilis kimelauas makuil taman tein kinpaleuia namikuanij maj kuali mouikakan uan maj yolpakikan. Ojpatika tamachtilis techiluis keniuj uelis moyekpiaskej kemej namikuanij.

¿Uelis yekmelauj motasojtaskej se takat uan se siuat? ¿Uelis nochipaya motasojtaskej? ¿Keniuj kinextiaj nejon? Amatajkuilol El Cantar de los Cantares ika tajtoua yekmelauj netasojtalis uan tein amo tami.