Maski uejkaujya moijkuiloj, techpaleuia axkan
Miakej kijtouaj ke Biblia ika tajtoua Dios. Sayoj ke, Biblia amo sayoj kijtoua nejon, ta no kijtoua tein uelis techpaleuis maj okachi tiyolpakikan.
Xikonita keniuj miakej kijtouaj ke kinpaleuiani kiixtajtoltiskej Biblia uan kichiuaskej tein tayolmajxitia.
Fiona kijtoua: “Axkan okachi niyolpaki. Niknemilia tein kuali uan kualtsin nimomachilia”.
Elena kijtoua: “Okachi niyolpaki porin nimomachtia Biblia”.
Andrew kijtoua: “Okachi niyolpaki axkan. Amo niteltekitiok uan okachi niyetok iniuan nochankauan”.
Amo sayoj yejuan ijkon kijtouaj. Semanauak taltikpak, tel miakej kiitanij ke tein Biblia tayolmajxitia semi kinpaleuiani.
Biblia techpaleuia itech miak taman. Techpaleuia:
Maj timoyekpiakan
Maj kuali timomachilikan
Maj kuali timouikakan iniuan tochankauan uan oksekin
Maj kuali tiktekitiltikan tomin
Maj timotokikan iuan Dios
Itech okseki tamachtilismej tikitaskej ke Biblia amo sayoj ika tajtoua Dios, ta no uelis techpaleuis maj okachi tiyolpakikan.