Xikontemo tikonmatis tein melauak
Keyej moneki
Miakpa titechikoitaj porin amo tikyekmatij teisa.
Miakej akin kiixyekanaj se tekit kinemiliaj ke siuamej amo uelij nion kimatij keniuj kuali tekitiskej.
Miakej kinemiliaj ke akin nemij itech xolalkonemej sayoj tauanaj uan tatsiuij.
Miakej kinemiliaj ke akin mokokouaj amo yolpakij uan kualantokej.
Akin kijtouaj nejin kinemiliaj ke melauak komo oksekin kinneltokiliaj, uan akin amo kineltokaj, kinemiliaj ke amo tamatij.
Tein Biblia tamachtia
“Amo tapaleuia maj aksa amo kipia taixmatilis” (PROVERBIOS 19:2).
¿Toni kijtosneki? Ke timokajkayauaskej komo amo tikyekmatij teisa. Komo sayoj tikneltokaj tein titekakiliaj uan amo tein yekmelauj mochiua, amo kuali tikinitaskej oksekin.
Semi tapaleuia maj se kimati ox melauak
Keman kuali tikinixmatij oksekin amo tikneltokaskej tein kinijtouiliaj, keman tikmatij ke techkajkayaujkej amo ijsiujka tikneltokaskejok tein oksekin kinijtouiliskej.
Tein uelis tikonchiuas
Amo xikonnemili ke nochin ijkon kichiuaj. Maski sekin kichiuaj tein amo kuali amo kijtosneki ke nochin ijkon tanemiliaj.
Xikonelnamiki ke amo nochin kuali tikonixmati.
Sayoj xikonneltokili akin takuaujtamachmej.