¿Keyej tel miakej amo motakachiuaj kemej kalyetonij?
¿KEYEJ SEMI MONEKI TIKINTAKACHIUASKEJ TOCHANKAUAN?
Nochin kalyetonij kuali yetokej keman tetakauj, tesiuatsin uan ininkoneuan kinextiaj ke motakachiuaj.
Amaix Siete reglas de oro para vivir en pareja kijtoua ke keman takatsin uan isiuatsin motakachiuaj, “amo sayoj kinextiaj ke motasojtaj keman kichiuaj uejueyi taman, ta nochipa, hasta keman kichiuaj teisa tein amo ueyi”.
Moijtoua ke tekoneuan akin tetakachiuaj kuali momachiliaj, okachi kuali mouikaj iniuan inintatuan, okachi kuali tanemiliaj uan yolpakij.
¿KENIUJ UELIS TIKONNEXTIS KE TIKONTAKACHIUA MOCHANKAUAN?
Xiksenixtalikan kemej kalyetonij toni nankichiuaskej. Yekinika, xikitakan maj nochin kalyetonij kiajsikamatikan toni kijtosneki maj se tetakachiua. Ojpatika, xikijkuilokan tein nankinekij maj kichiuakan namokoneuan uan tein amo moneki kichiuaskej. Expatika, ximonojnotsakan kemej kalyetonij para nochin nankimatiskej toni moneki nankichiuaskej para uelis nantetakachiuaskej.
Xikonnexti tein moneki se kichiuas. Uelis tionmotajtanis: ¿Nikinijijtoua nochankauan keman mopolouaj? ¿Nimokejkeloua keman kijtouaj tein kinemiliaj? ¿Amo nikinkaki oso nikintajtolkotona keman nechnojnotstokej? Xikonelnamiki ke achto tejua moneki tikontakachiuas oksekin.
Tein uelis tikonchiuas: Xikonita ke moneki tikontakachiuas motakatsin oso mosiuatsin uan mokoneuan, uan ijkon xikonchiua maski tikonnemilis ke kinnamiki oso amo.
Xikontakachiua oksekin maski amo tanemiliskej kemej tejua. Keman tikonijtos teisa, amo xikonijto tajtolmej kemej “Tejua nochipa…” oso “Tejua amo keman…”, xa para tikonijtos “Tejua nochipa titekititok” oso “Tejua amo keman tinechpaleuia”. Nejin tajtolmej uelis semi kinyolkokos mochankauan uan hasta uelis okachi namokualantiskej.
¿KENIUJ ITAIXPANTIJKAUAN JEHOVÁ KINPALEUIAJ KALYETONIJ MAJ MOTAKACHIUAKAN?
Itaixpantijkauan Jehová kinyolchikauaj kalyetonij maj motakachiuakan. Yejua ika, itech jw.org tikajsij videos uan tamachtilismej tein ika tajtouaj nejon, no tikpiaj amaixmej, folletos uan amatajkuilolmej tein uelis tikonleros itech amat oso itech tepos uan amo tikonixtauas.
TEIN KINPALEUIS AKIN MONAMIKTIJKEJYA: Tamachtilismej tein moajsij itech “Mokalyetouanij uelis yolpakiskej” semi kipaleuis tetakauj uan isiuatsin...
... maj kuali mokakikan.
... maj kisentokakan monojnotsakan.
... maj amo mokualantikanok.
(Itech jw.org xikonijkuilo kampa se tatemoua “Namikuanij uan kalyetouanij”).
TEIN KINPALEUIS TETATMEJ: Itech tamachtilismej tein moajsij kampa kijtoua “Keniuj se kiniskaltis konemej” uelis kinpaleuis tetatmej maj kinmachtikan ininkoneuan...
... maj tatakamatikan.
... maj tapaleuikan kalijtik.
... maj kuali tajtanikan teisa uan maj motasojkamatikan.
(Itech jw.org kampa se tatemoua xikonijkuilo “Namikuanij uan kalyetouanij” uan ompa xikontemo kampa kijtoua “Keniuj se kiniskaltis konemej”).
No xikonita apéndice kampa kijtoua “Los padres preguntan” den amaix Lo que los jóvenes preguntan. Respuestas prácticas (volumen 1) (itech jw.org xikonijkuilo kampa se tatemoua “Los padres preguntan”).
TEIN KINPALEUIS TELPOCHMEJ UAN ICHPOCHMEJ: Itech jw.org kampa kijtoua “Telpochmej uan ichpochmej” kipia tamachtilismej, videos uan seki taman tein uelis kinpaleuis...
... maj kuali mouikakan iniuan inintatuan uan ininikniuan.
... maj kintakachiuakan inintatuan keman ika tajtoskej tein kinnauatiaj maj kichiuakan.
... maj kimatikan keniuj inintatuan uelis iniuan takuaujtamatiskej.
(Itech jw.org xikonijkuilo kampa se tatemoua “Telpochmej uan ichpochmej”).
Amo moneki tiontaxtauas keman tionkalakis itech jw.org. Amo no moneki tikonijkuilos nion teyi para kimatiskej tiakoni.