Xikontemo itech jw.org tayolmajxitilis tein uelis mitsonpaleuis

ITajtol Dios techpaleuia maj titaxikokan itech itamian tonalmej (2Ti 3:1, 16, 17). Sayoj ke kemansa moneki tayolmajxitilis oso tamachtilis tein techpaleuis itech se taman. Kemej neskayot, xa tikonneki tikonmatis keniuj tikoniskaltis mokoneuan oso xa tiontayokoxtok porin momikilij monamik. Xa titelpoch oso tiichpoch uan tikpanotok se taman kampa moneki tiknextis ox titakuaujtamati. Itech jw.org tikajsij tamachtilismej tein mokixtiaj itech Biblia tein techpaleuis komo tikpanotokej nejin oso okseki taman (Pr 2:3-6).

Itech jw.org xikonpatskili kampa kijtoua “Tein Biblia tamachtia” uan xikonixpejpena se tamachtilis (taixkopin 1). Oso xikonpatskili kampa kijtoua “Biblioteca”, uan xikontemo kampa kijtoua “Tataman tamachtilismej” uan xikonixpejpena se tamachtilis (taixkopin 2). No tikonajsis nejin itech JW Library^®.a Uelis tikonitas tamachtilismej tein ompa nesij. Oso itech jw.org uelis tikonajsis tein yeski tamachtilis, sayoj xikonijkuilo kampa kijtoua “Xikontemo”.

Xikonijkuilo nejin eyi tanemililmej kampa kijtoua “Xikontemo” uan xikonijkuilo tamachtilismej tein tikonuelitaskia tikonixtajtoltis.

• Se kiniskaltis konemej

• Telpochmej tayokoyaj

• Momikilia se inamik