Kampa timoteixmatiltiaj itech Internet: chijchiujtok kemej nochin kinpaleuis
Jesús tanauatij maj tikteixmatiltikan kuali tanauatilmej ika iTekiuajyo Dios “tech nochi senmanauak” uan ijkon maj “nochi in taltikpakuani” kiixmatikan (Mat. 24:14). Yejua ika, itech Internet sayoj itech yankuik jw.org nesi tein onkaya itech watchtower.org, jw-media.org uan tein achto onkaya itech jw.org, nejon techpaleuis maj okachi kuali tikchiuakan totekiuj (2 Tim. 4:5).
“Tech nochi senmanauak.” Itech nochi taltikpak, panoua dos mil millones taltikpakneminij kitekitiltiaj Internet. Tel miakej, uan okachiok akin telpochmej, okachi kitekitiltiaj. Itech sitio tein tiktapojkej kinpaleuia nochin maj kiajsikan tanankililmej tein kitemaka Biblia ika netajtanilmej tein mochiuiliaj. Ika nejin uelis kiixmatiskej inechikol Jiova uan amo ouij tajtaniskej se nemachtil ika Biblia tein amo monekis kiixtauaskej. Ijkon, tein tamachtia iTajtol Dios ajsis hasta kampa amo ueli se kinajsi taltikpakneminij.
“Nochi in taltikpakuani.” Tamachtilis tein kitemaka Biblia moneki moajsis itech miak tataman tajtolmej, ijkon “nochi in taltikpakuani” kiajsikamatiskej. Yejua ika, jw.org moajsi kemej itech cuatrocientos tataman tajtolmej; nion se página itech Internet ijkon tamati.
Kuali xikontekitilti. Tein moajsi itech jw.org amo sayoj kinpaleuis akin amo itaixpantijkauan Jiova, ta no chijchiujtok kemej techpaleuis tejuan. Keman tikontekitiltis Internet, timitsonyoleuaj kuali xikonixmati tein moajsi itech jw.org. Nikan techiluia keniuj kuali tiktekitiltiskej nejin.
[Taixkopin tein kimelaua tamachtilis itech página 3]
(Komo tikonneki tikonitas kemej yekmelauj kisak taixkopin, xikonita amaix)
Xikonyejyeko
1 Keman tionkalakis itech Internet xikonijkuilo www.jw.org/ncj.
2 Xikonpatskili itech nochi tataman tein kipia uan xikonita tein ompa moajsi. (Seki taman ayamo moajsi itech náhuatl. Komo tikonneki uelis tikonitas itech www.jw.org/es.)
3 Xionkalaki itech jw.org itech tepos tein ueli tikonuikatinemi. Tepitsin taman nesis porin okachi tsikitsin, sayoj ke tamachtilis tein kipia amo mopata.