Maj tikuikan jw.org itech tanojnotsalis: “Preguntas sobre la Biblia”

Taxelol “Enseñanzas bíblicas”, itech jw.org/es, kipia okse taxelol tein itokay “Preguntas sobre la Biblia”. Semi tapaleuia itech tanojnotsalis tikmatiskej toni ompa ika motajtoua, porin komo aksa kichiua se netajtanil tein moajsi itech nejin taxelol, uelis tiknextiliskej tanankilil itech jw.org. No uelis tikuiskej nejon netajtanilmej uan ika tipeuaskej titajtoskej. Kemej neskayot, uelis tikixpejpenaskej se tein kinyolnotsas taltikpakneminij kampa titanojnotsaj, tikintajtaniskej tein kinemiliaj uan ompa tikinmelauiliskej tein kijtoua Biblia ika tanemililmej tein moajsij itech jw.org. Satepan uelis tikiniluiskej ke tikajsikej tanankilil itech jw.org uan tikinnextiliskej. Okse taman, uelis tikauaskej maj yejuan kiixtajtoltikan tanankilil itech jw.org. Inamik se tokniuj takalpanojkej kuali kikisani keman kijtoua: “Miakej taltikpakneminij motajtaniaj ox Dios kichiua maj titajyouikan. ¿Tikonuelitaskia tikonmatis tanankilil? Amo mitsonuikilis nion se minuto”. Ompa kitalilia maj kikaki tamachtilis, tein kikuik itech jw.org uan kitemouij itech iteléfono, uan satepan kinextilia amaix Tamachtia Biblia itech capítulo 11.