Kampa timoteixmatiltiaj itech Internet: maj tiktekitiltikan itech tanojnotsalis
Xikonilui oksekin maj kiitakan kampa timoteixmatiltiaj itech Internet. Seki taltikpakneminij amo kinekij tajtoskej touan oso kiseliskej toamaixuan. Sayoj ke xa kinekiskej techixmatiskej itech jw.org keman yetokej ininchan. Yejua ika, nochipa keman uelis, xikonyoleua taltikpakneminij maj kiitakan tein onkak ompa.
Xikontekitilti keman tiontanankilis. Kemansa se taltikpaknenkej kampa titanojnotsaj, se akin kineki kimatis okachi oso se akin tikixmatij techtajtanis toni tikneltokaj. Xikonnextili tanankilil itech se computadora oso se tepos tein ueli se kiuikatinemi. Okachi kuali maj tikixtajtoltikan tajkuilolmej itech Biblia. Komo itech nejon hora amo onkak Internet, xikonmelauili keniuj uelis kiajsis tanankilil itech jw.org. Nejin sayoj moajsi itech español uan itech seki tajtolmej. (Xikonpatskili “Enseñanzas bíblicas/Preguntas sobre la Biblia” oso “Sobre nosotros/Preguntas frecuentes”.)
Xikontitanili se tamachtilis oso se amaix aksa akin tikonixmati. Itech se correo electrónico uelis tikontitanis PDF oso EPUB tein tikontemouis. No uelis tikontemouis tein mokaki uan tikontalis itech se disco. Nochipa keman tikonmakas itech tepos uan ajsitok amaix se akin ayamo moauia, yeski se libro, folleto oso revista, uelis tikonpouas itech amat kampa moijkuiloua tekit tein mochiua itech tanojnotsalis. Tein tikontitanis maj amo tel miak uan moneki nesis motokay, nion no monekis tikontejkoltis okseko itech Internet. (Xikonpatskili “Amaixmej”.)
Xikonnextili tanauatilmej tein okachi yankuikej. Nejin kinpaleuis akin momachtiaj Biblia uan oksekin akin tikonkalpanoua maj kiitakan hasta kani ajsi totekiuj uan maj kipoujkaita kemej timouikaj (Sal. 133:1). Nejin sayoj moajsi itech español uan itech seki tajtolmej. (Xikonpatskili “Noticias”.)
[Taixkopin tein kimelaua tamachtilis itech página 5]
(Komo tikonneki tikonitas kemej yekmelauj kisak taixkopin, xikonita amaix)
Xikonyejyeko
1 Kampa kijtoua “Amaixmej” xikonixpejpena tein tikonneki tikontemouis uan xikonpatskili itech katiyejua taman tikonneki tikontemouis.
2 Keman tikonpatskilis MP3, ixnesis miak tamachtilismej. Komo tikonneki tikontemouis se, xikonpatskili itech itokay tamachtilis, oso komo tikonneki sayoj ompa tikonkakis, xikonpatskili itech.
3 Komo tikonneki tikontemouis se amaix itech okse tajtol, xikontemo nikan.