Maj tikuikan jw.org itech tanojnotsalis

Kampa timoteixmatiltiaj itech Internet, jw.org, semi tapaleuia maj tikteixmatiltikan kuali tanauatilmej “nonouiyampa de nochi senmanauak” (Hech. 1:8). Sayoj ke, miakej amo kiixmatij; kimatij ke moajsi sayoj komo se tanojnotskej kiniluia oso kinnextilia.

Se tokniuj takalpanojkej kitemouij video ¿Keyej moneki timomachtiskej Biblia? itech teléfono uan kinextia nochipa keman kiita ke ueli. Kemej neskayot, keman tanojnotsa kajkalpan, kijtoua: “Nikinkalpanojtok taltikpakneminij porin nikneki nikinpaleuis maj kiajsikan itanankilil eyi netajtanilmej tein motelnekij: ¿Keyej axkan miak taman amo kuali mochiujtok? ¿Keniuj Dios tayektalis? uan ¿Toni uelis tikchiujtoskej tejuan? Nejin video tein amo uejkaua kinankilia nejon netajtanilmej”. Kitalia video uan kichia maj kijto keniuj kiita. Moita ke video semi teyolnotsa porin miakej keman kiitstokej amo moixajchiuaj hasta ke tami. Ompa, tokniuj kijtoua: “Kemej tikonkakik, uelis tiontajtanis se nemachtil ika Biblia itech Internet, jw.org. Sayoj ke kemej nikan niyetokya, uelis nimitsonnextilis keniuj mochiua”. Komo taltikpaknenkej kuali kiita, tokniuj kinextilia keniuj tikchiuaj nemachtil ika Biblia ika amaix Kuali tanauatilmej. Uan komo amo kipia tiempo, iuan motenkaua ke kinextilis keman oksepa kikalpanos. Keman moseuia kampa tayitij kafen, peua tajtoua iuan akin yetok inakastan uan no ijkon kiluia. ¿Uan tejuan? ¿Tikuitokej jw.org itech tanojnotsalis?