Keniuj uelis tikuiskej jw.org
Keniuj uelis tikajsiskej tamachtilismej tein kiskaj ipeujyan página jw.org
Miakej tokniuan kiitanij ke tamachtilis tein kisanij ipeujyan página jw.org semi kinpaleuiani maj ika tanojnotsakan. Amo ouij se kintitanilia oksekin, uan miakpa kimelaua ke tein mochiujtok itech nejin tonalmej kinextia ke mochiujtokya tein Biblia kijtojka. Se tokniuj kijkuiloj: “Nejin tamachtilismej techtelpaleuiaj maj kuali titanojnotsakan, ijkon kemej axkan titanojnotsaj”.
Sayoj ke kemej tamachtilis tein kistiuj itech página mopatatiuj, ¿keniuj uelis oksepa tikajsiskej se tamachtilis tein amo nesiok?
Komo tikontapojtok ipeujyan página jw.org, xikonpatskili “Xikonita okachi”, tein yetok tani. Keman tikonpatskilis, kitapos taxelol “Tein yankuixtok tiktalianij nikan”. Ompa tikonitas tamachtilismej tein yankuixtok kisanij.
Itech jw.org o itech JW Library® xikonpatskili kampa kijtoua “Biblioteca” uan xikontemo “Tataman tamachtilismej”. Satepan xikonpatskili kampa kijtoua “Okseki tamachtilismej”. Itech nejin taxelol tikonajsis miak tamachtilismej tein kisanij ipeujyan página.