TAXELOL 5
Peua keman moajsikej temako uan tami keman kiyoualoltijkej tepamit Jerusalén
Keman israelitas moajsiaj temako Babilonia, imin takuaujtamatilis motalij itech miak tayejyekolis. Sadrac, Mesac uan Abednego kinpantamotkej itech ueyi tikomit kampa taxotatoya, sayoj ika Jiova kinimakixtij. Satepan, keman medos uan persas moaxkatilijkej Babilonia, Daniel kipantamotkej itech taltekoch kampa yetoyaj tekuanimej, sayoj ika Dios no kipaleuij uan kintentsakuak tekuanimej.
Ompa, Ciro tein tekiuajtia Persia, kinkauak maj kisanij israelitas. Yejuan ajsikej itech imin tal ajsitok 70 xiujmej satepan keman kiniuikakaj Babilonia uan moajsiaj temako. Se taman tein kichiujkej keman ajsikej Jerusalén, yejua itemplo Jiova. Sayoj ika, taixnamikinij niman kitsakuiltijkej imin tekiuj israelitas. Yejika, kemej 22 xiujmej satepan keman ajsikej Jerusalén, uelik matankej templo.
Satepan, timomachtiskej keman Esdras moojketsteuj Jerusalén uan kikualtsintilito templo. Nejin mochiuak kemej 47 xiujmej satepan keman matankej templo. Ompa, 13 xiujmej satepan keman Esdras ajsika Jerusalén, Nehemías tapaleuij maj moyekachijchiuani tepamit tein kiyoualouaya Jerusalén. Nochi tein mochiuak itech Taxelol MAKUIL panok 152 xiujmej.