Tanojnots 110

Timoteo katka itapaleuijkauj Pablo

TELPOCH tein tikita nikan iuan tatitanil Pablo motokaytia Timoteo. Yej nemia Listra iuan ichankauan. Imomaj motokaytij Eunice, uan iueyinan Loida.

Ika nejin, Pablo expaya takalpanouaya Listra. Kemej se xiuit achto, Pablo uan Bernabé ompa yekinika tanojnotsatoj. Uan axkan mokepak iuan itasojikniuj Silas.

¿Tikmati toni kiiluij Pablo Timoteo? Kitajtanij: ‘¿Tikuelitaskia tiyas iuan Silas uan nejua? Uelis titechpaleuis maj tikininojnotsatij taltikpakneminij tein uejuejka kayomej’.

Timoteo tanankilij: ‘Kemaj, nikuelitaskia niyas’. Yejika, amo uejkauak Timoteo kinkauak ichankauan uan yajki iuan Pablo uan Silas. Sayoj ika achto maj tikitakan tein kipanotiualaya Pablo, uan satepan tikitaskej se ome eyi altepemej kampa yajki Timoteo. Panokaya 17 xiujmej ijkuak Jesús kimonextilij Pablo itech ojti tein yaya Damasco.

¡Xikelnamiki, yej yaya Damasco kintajyouiltiti imomachtijkauan Jesús, sayoj ika satepan yej no mochiuak imomachtijkauj! Ompa, seki taixnamikinij kinekiaj kimiktiskej Pablo, sayoj ika imomachtijkauan Jesús kipaleuijkej maj cholo. Ika se chikiuit, kitemoltijkej tepanikan tein kiyoualouaya altepet Damasco, uan ijkon mopaleuij.

Satepan Pablo tanojnotstikisak Antioquía. Uan ompa yekinika kintokaytijkej tokniuan, tein kichiuaj kemej Cristo. Ompa, Pablo uan Bernabé kininauatijkej maj kisanij Antioquía uan maj yanij tanojnotsatij itech uejuejka altepemej. Semej altepemej kampa takalpanotoj katka Listra, kampa nemia Timoteo.

Kemej se xiuit satepan, Pablo mokepak Listra itech iojpatika takalpanolis. Keman Timoteo kisak iuan Pablo uan Silas, ¿tikmati kani yajkej? Xikita mapa, uan maj tikitakan.

Yekinika, yajkej Iconio, tein achka moajsia, ompa yajkej itech okse altepet tein itokay Antioquía. Satepan, yajkej Troas, ompa panokej Filipos, Tesalónica uan Berea. ¿Tikita Atenas itech mapa? Ompa tanojnotsak Pablo. Satepan, ajsikej Corinto uan ompa tanojnotskej se xiuit uan tajko. Ika tamik, mokaujkej se ome eyi tonalmej Efeso. Satepan, mokepkej Cesarea ika barco, uan pankiskej Antioquía, kampa Pablo mokalotij.

Kemej tikitaj, Timoteo uejuejka, tel uejuejka yajki iuan Pablo kitetapouitoj ‘kuali tanauatilmej’ uan kipeualtijkej miak kalnechikolmej. Keman timoskaltis, ¿tiktekitilis Dios ika nochi moyolo kemej Timoteo?

Hechos 9:19-30; 11:19-26; capítulos 13–17; 18:1-22.

[Tajtolmej]

Roma

Malta

Tesalónica

Berea

Corinto

Filipos

Atenas

Creta

Troas

Efeso

Mileto

Colosas

Antioquía

Iconio

Listra

Antioquía

Chipre

Damasco

Cesarea

Jope

Jerusalén

UEYIAT

(MEDITERRÁNEO)