Tamachtilis 16

Xikixtali tiktekitilis Dios

Komo tikneki timochiuas tiitasojikniuj Dios, ¿toni moneki tikchiuas? (1, 2)

¿Keniuj moneki timotemaktis iuan Dios? (1)

¿Kemanian monekia timoauis? (2)

¿Keniuj uelis tikpias yolchikaualis tein mitspaleuis amo tikauas Dios? (3)

1. Komo tikneki timochiuas tiitasojikniuj Dios moneki tikpias se kuali taixmatilis tein melauak tein motaksaltia itech Biblia (1 Timoteo 2:3, 4), tikneltokas tein timomachtijtok (Hebreos 11:6), timoyolnonotsas ika motajtakoluan (Hechos 17:30, 31) uan tikauas tachiualismej tein achto tikchiuaya (Hechos 3:19). Satepan, netasojtalis tein tikpialia Dios monekia maj mitsolini ximotemakti iuan. Nejin kijtosneki ika, moselti, itech se monetataujtilis tikiluis ika timotemaktia iuan uan tikchiuati tein kiuelita (Mateo 22:37; 2 Corintios 5:15).

2. Satepan keman timomachtisa iTajtol Dios uan mitsolinis ximotemakti iuan, ijkuaka moneki timoauis (Mateo 28:19, 20). Ika neauilis tiknextis sentaixpan ika timotemaktijya iuan Jiova. Yejika sayoj panouaj tein kimatijya toni kijtosneki neauilis uan uelijya kixtaliaj kitekitiliskej Dios. Keman aksa moauia, moneki maj nochi moatsonpolakti uan maj niman kisaa (Marcos 1:9, 10; Hechos 8:36).

3. Keman timotemaktisa, Jiova kichia ika xinemi ijkon kemej timotenkauak (Salmo 50:14; Eclesiastés 5:4, 5). Amokuali kiyejyekos maj amo xiktekitili Jiova (1 Pedro 5:8). Sayoj ika moneki ximotoki iuan Dios ika netataujtilis (Filipenses 4:6, 7). Ximomachti iTajtol Dios mojmostaj (Salmo 1:1-3). Xiksentoka ximonechiko imiuan oloch tokniuan (Hebreos 13:17). Komo tikchiua nochi nejin, tikpias yolchikaualis tein mitspaleuis amo tikauas Dios. Nochipaya uelis tikchiuas tein Dios mitstajtania.

[Tajtolmelaualis]