Dios okachi kuali motasojikniuj tein uelis tikpias

Timochiuas tiitasojikniuj Dios yejua tein okachi kuali uelis tikpanos. Dios mitsnextilis keniuj tikajsis yolpakilis uan neyolseuilis; mitsmakixtis itech miak tamachtilismej tein amo melauak uan tachiualismej tein teijtakouaj. Mitskakilis monetatataujtilis. Mitsmakas neyolseuilis uan takuaujtamatilis (Salmo 71:5; 73:28). No mitspaleuis keman tikpanos miak ouijkayomej (Salmo 18:18). Uan no, Dios mitsmakasneki se nemilis nochipaya kemej se netetayokolil (Romanos 6:23).

Keman timotokiaj iuan Dios, no timotokiaj imiuan itasojikniuan. Itasojikniuan Dios, no mochiuaskej motasojikniuan. Yekneli, mochiuaskej kemej mokniuan. Kipiaskej miak pakilis mitsmachtiskej tein Dios kineki, mitspaleuiskej uan mitsyolchikauaskej.

Amo tiijkuitikej kemej Dios. Komo tikneki timochiuas tiitasojikniuj Dios, moneki tikajsikamatis nejin tein motelneki: timochiuas tiitasojikniuj Dios amo ijkui kemej timochiuas tiitasojikniuj se taltikpaknenkej. Yej kitelpia miak xiujmej uan tejuan amo, semi kitelmati uan kitelpia uelilis. Sayoj yejua kinamiki maj mochiua toUeyi Tekiuaj. Yejika, komo tiknekij timochiuaskej tiitasojikniuan Dios, moneki tikakiskej uan tikchiuaskej tein techtajtania. Keman tiktakamatij Dios, nochipa techyoui kualtsin (Santiago 1:25).