¿Akonimej kiteltauelitaj Dios?

Tein tayekantok kiteltauelita Dios yejua Amokuali Satanás. Yej se ángel tein kinekepilij Jiova. Satanás kisentoka kixnamiki Dios uan kintakuejmolchiuilia taltikpakneminij. Satanás se tel amo yolkuali, xolopij uan temiktijkej (Juan 8:44).

Oksekin ángeles mokuikej iuan Satanás uan no kinekepilijkej Dios. Biblia kintokaytia amokuali ejekamej. Ijkon kemej Satanás, nejon amokuali ejekamej no kinteltauelitaj taltikpakneminij. Kiuelitaj kinchiuiliskej teisa tein amo kuali (Mateo 9:32, 33; 12:22). Jiova kixpoloti Satanás uan iamokuali ejekauan nochipaya. Amo miak tonalmejok kipiaj kampa uelis kinijtakojtoskej taltikpakneminij (Apocalipsis 12:12).

Komo tiknejneki timochiuas tiitasojikniuj Dios, amo xikchiua tein Satanás kineki. Satanás uan iamokuali ejekauan kiteltauelitaj Jiova. Kiteltauelitaj Dios uan kinekij maj no ijkui xikchiua. Yejika, moneki tikixpejpenas akoni tikneki tikyolpaktis: Satanás oso Jiova. Komo tikneki tinemis nochipaya, moneki tikixpejpenas tiktakamatis Dios. Satanás kimati miak tataman keniuj kinkajkayauas taltikpakneminij, uan kikui miak tataman tachiualismej. Ijkui ueli kinkajkayaua tel miakej taltikpakneminij (Apocalipsis 12:9).