¿Keyej moneki sentekitiskej itekitikauan Dios?

1. ¿Keyej ne uejkauj Dios kinixpejpenak israelitas maj sentekitikan?

Dios kinsentilij ikoneuan Abrahán uan kichiuak maj pouikan itech se xolal kampa nochin sentekitiskiaj uan kinmakak tanauatilmej. Yejuatsin kitokaytij Israel nejin xolal, uan sayoj ompa yekmelauj kiueyichiuayaj uan kiyekpiayaj itajtol Dios (Salmo 147:19, 20). Ijkon, taltikpakneminij itech nochi xolalmej ueliskiaj kiseliskej nepaleuil. Xikonixtajtolti Hechos 3:25.

Dios kinixpejpenak israelitas maj mochiuakan itaixpantijkauan. Tein kipanok nejin xolal kinextia ke ijkuak se kitakamati itanauatiluan Dios se kiselia tein kuali (Deuteronomio 4:6). Ika tein kichiuaskiaj israelitas, oksekin ueliskiaj kiixmatiskiaj Dios akin melauak. Xikonixtajtolti Isaías 43:10, 12.

2. ¿Keyej moneki sentekitiskej akin yekmelauj kichiuaj kemej Cristo?

Keman xolal Israel amo kitakamatikok Jiova, yejuatsin kiixpejpenak okse nechikol tein kitojtokaskia Cristo (Mateo 21:43; 23:37, 38). Axkan, akin yekmelauj kichiuaj kemej Cristo yejuan akin kiteixmatiltiaj Jiova, uan amo israelitas. Xikonixtajtolti Hechos 15:14, 17.

Jesús kinnajnauatij itatojtokakauan maj tanojnotsakan uan maj kinchiuakan itatojtokakauan itech nochi taltikpak (Mateo 10:7, 11; 24:14; 28:19, 20). Axkan, itech itamiampa nochi tein mochiujtok itech taltikpak, nejon tekit noyampa mochiujtok. Jiova kinsentilijtok tel miakej taltikpakneminij itech nochi tataman xolalmej itech taueyichiualis tein melauak, uan mochiujtok kemej amo keman moitstoya (Apocalipsis 7:9, 10). Akin yekmelauj kichiuaj kemej Cristo sentekitij uan mosenpaleuiaj uan mosenyolchikauaj se iuan okse. Semanauak taltikpak, kiseliaj sayoj se tamachtilis itech nechikolmej tein kipiaj. Xikonixtajtolti Hebreos 10:24, 25.

3. ¿Keniuj peujkej sentekitij itaixpantijkauan Jiova itech nejin tonalmej?

Satepan itech xiuit 1870 seki oloch momachtianij ika Biblia peujkej kiajsij tamachtilismej tein kemej yeskia uejkauak eujtoyaj. Yejuan kimatiaj ke Jesús kiixtalij maj inechikol Dios tanojnotsani, yejua ika kipeualtijkej se tekit ika tanojnotsalis semanauak taltikpak uan ijkon kiteixmatiltiskiaj iTekiuajyo Dios. Itech xiuit 1931 kiselijkej tokayit kemej itaixpantijkauan Jiova. Xikonixtajtolti Hechos 1:8; 2:1, 4, 11, uan 5:42.

4. ¿Keniuj moixyekana inintekiuj itaixpantijkauan Jiova?

Itech yekinika siglo, nechikolmej itech tataman xolalmej kiseliayaj ininnepaleuil seki oloch taojtokaltianij akin kiseliayaj Jesús kemej taixyekankej itech nechikol (Hechos 16:4, 5). No ijkon axkan, itaixpantijkauan Jiova semanauak taltikpak kiseliaj ininnepaleuil Oloch Taojtokaltianij, akin kipiaj miak taixmatilis. Yejuan kiixyekanaj sucursales kampa mokepaj amaixmej itech okseki tajtolmej, kichijchiuaj amaixmej uan moxejxelouaj itech panoua seiscientos tajtolmej. Ijkon, Oloch Taojtokaltianij ueli tapaleuiaj ika Biblia uan taixyekanaj itech panoua cien mil nechikolmej semanauak taltikpak. Itech sejse nechikol, seki takamej akin kichiujtokej tein motajtani, tekitij kemej tayekananij uan yejuan ika miak netasojtalis kinyekpiaj itekitikauan Dios tein moneskayotiaj kemej ichkamej. Xikonixtajtolti 1 Pedro 5:2, 3.

Itaixpantijkauan Jiova kisenteixmatiltiaj kuali tanauatilmej uan kinchiuaj itatojtokakauan Jesús, uan kemej kichiuayaj itatitaniluan, no tanojnotsaj kajkalpan (Hechos 20:20). No kinmachtiaj ika Biblia akin kipoujkaitaj tamachtilis tein melauak. Sayoj ke itaixpantijkauan Jiova amo sayoj se taneltokalis; ta pouij iniuan akin mochiuaj kemej yeskia ininchankauan. Mochiuaj kemej yeskia iknimej akin motasojtaj se iuan okse uan kinyekpia toTajtsin (2 Tesalonicenses 1:3). Uan kemej inechikol Jiova mochikaua kiyolpaktis yejuatsin uan kinpaleuis okseki taltikpakneminij, akin ompa pouij kemej yeskia kalyetouanij tein okachi yolpakij itech taltikpak. Xikonixtajtolti Hechos 20:35 uan 1 Pedro 2:9.