¿Keniuj tikonita Biblia?
¿Tikonijtoskia ke . . .
... se amatajkuilol tein kipia itanemililuan taltikpaknenkej?
... sayoj tetapouia tein mochiuak ne uejkauj?
... iTajtol Dios?
TEIN KIJTOUA BIBLIA
“Nochi in Tajkuilolamatsitsin nochi yejuan Dios kichiuak.” (2 Timoteo 3:16, El Nuevo Testamento en Náhuatl de la Sierra de Puebla.)
KENIUJ TECHPALEUIA
Technankilia tein timotajtanianij itech tonemilis tein motelneki (Proverbios 2:1-5).
Kuali techojtokaltia itech nochi taman tein tikchiuaj itech tonemilis (Salmo 119:105).
Techiluia ke uelis tikchiaskej tein kuali satepan (Romanos 15:4).
¿ONKAK KEYEJ TIKNELTOKASKEJ TEIN KIJTOUA BIBLIA?
Kemaj, maj tikitakan eyi:
Amo keman moixnamikij tanemililmej. Biblia kijkuilojkej kemej 40 takamej itech 1,600 xiujmej. Maski miakej amo moixmatkej, amo moixnamikij tanemililmej tein kipia Biblia uan itech nochi kijtoua tein okachi tayekantok.
Tajkuilouanij kijtojkej nochi tein melauak. Oksekin tajkuilouanij nochipa kitatiaj keman tapolouaj ininxolaluan. Sayoj ke, akin kijkuilojkej Biblia amo kitatijkej nepololmej tein kipiakej yejuan uan itech xolal kampa pouiaj (2 Crónicas 36:15, 16; Salmo 51:1-4).
Tein kijtoua ke mochiuas, ijkon panoua. Biblia kijtojka kemej 200 xiujmej achto ke altepet Babilonia tein moajsia ne uejkauj moaxkatiliskiaj oksekin (Isaías 13:17-22). Uan amo sayoj kijtoj keniuj moaxkatiliskiaj, ta no akoni kichiuaskia (Isaías 45:1-3).
Okseki taman tein Biblia kijtojka, no senkis mochiuak. ¿Melauj ke yejua nejon tikchiaskiaj maj kipia iTajtol Dios? (2 Pedro 1:21.)
XIONMOTAJTANI
¿Keniuj uelis nechpaleuis iTajtol Dios?
Tikonajsis keniuj tanankilia Biblia itech ISAÍAS 48:17, 18 uan 2 TIMOTEO 3:16, 17.