¿Akoni yekmelauj taixyekantok nikan taltikpak?

TEIN KIJTOUA BIBLIA

“Nochi in taltikpakuani kinyekana ok yejua in amokuali Satanás.” (1 Juan 5:19, El Nuevo Testamento en Náhuatl de la Sierra de Puebla.)

“Tekonetsin de Dios [ualaj] para kinuejuelos in chikaualisme den amokuali Satanás.” (1 Juan 3:8.)

KENIUJ TECHPALEUIA

Tikajsikamatiskej toni kichiua maj onka kuejmolmej nikan taltikpak (Apocalipsis [Revelación] 12:12).

Onkas keyej uelis tikchiaskej maj motayektali nikan taltikpak (1 Juan 2:17).

¿ONKAK KEYEJ TIKNELTOKASKEJ TEIN KIJTOUA BIBLIA?

Kemaj, maj tikitakan eyi:

• Itaixyekanalis Satanás ixyetok ke tamis. Jiova kiixtalij kichiuas maj Satanás amo kisentokaok kinyekana taltikpakneminij. Yejuatsin motenkaua “kitauejuelouilis in amokuali Satanás”, uan kiyektalis nochi tein kijtakoj (Hebreos 2:14).

• Jesucristo yejua taixyekankej akin Dios kiixpejpenak. Jesús senkis amo ijkon kemej akin taixyekantok nikan taltikpak akin amo teiknelia uan sayoj kitemoua itanejnekilis. Tein melauj, Dios kiyekijtoua tein kichiuas Cristo keman taixyekanas: “Kiiknelis akin amo kipia keniuj moixpanoltis uan akin moajsi itech tatasojtilis [...]. Kinmakixtis akin ininka mauiltiaj uan kinteuiaj” (Salmo 72:13, 14).

• Dios amo ueli takajkayaua. Biblia kiyekijtoua ke “Dios amo ueli takajkayaua” (Hebreos 6:18, Traducción del Nuevo Mundo). Yejua ika, keman Jiova motenkaua kichiuas se taman, uelis tikyekneltokaskej ke ijkon mochiuas (Isaías 55:10, 11). Uan motenkaua “kikalantamotas in Satanás naken takitskijtok axkan taltikpak” (Juan 12:31).