Uejkapan kali itech altepet Babel

Satepan ke panok Tetsaujkakiouit, ikoneuan Noé uan ininnamik kinpiakej miakej konemej. Ininchankauan momiakilijkej uan momoyaujkej miakkan itech taltikpak, kemej Jiova kinnauatijka.

Sayoj ke seki kalyetouanij amo kitakamatkej Jiova. Kijtojkej: “Maj nikan timokauakan uan maj tikchijchiuakan se altepet uan se uejkapan kali tein ajsis hasta iluikak. Ijkon noyampa techixmatiskej”.

Jiova amo kiuelitak tein kichiujtoyaj, yejua ika kintsakuilij. ¿Tikmati keniuj? Kichiuak maj peuanij tajtouanij tataman tajtolmej. Nejon altepet kitokaytijkej Babel, tein kijtosneki “nepojpololis”. Kemej amo moajsikamatiajok, amo kisentokakej ika tekit uan nochin seseko nemitoj. Sayoj ke kampa yajkej kisentokakej kichiujkej tein amo kuali. ¿Tiknemilia ke moajsia aksa akin kitasojtayaok Jiova? Tikitaskej itech okse tamachtilis.