Tein ika tajtoua taxelol 9

Itech nejin taxelol ininka titajtoskej konemej, tanauatianij uan tekiuanij akin senkis takuaujtamatkej iuan Jiova. Itech altepet Siria, se siuapiltsin israelita takuaujtamatik ke itanauatijkauj Jiova kipajtiskia Naamán. Tanauatijkej Eliseo senkis takuaujtamatik ke Jiova kimatampauiskia keman miakej tateuianij kitemotoj. Akin kinixyekanaya tiopixkamej, Jehoiadá, maski ueliskia kimiktiskej, kipaleuij konetsin Jehoás keman iueyinan, Atalía, kinekia kimiktis. Tekiuaj Ezequías takuaujtamatik ke Jiova kinmakixtiskia akin nemiaj Jerusalén uan amo motemakak ininmako tateuianij akin ualeuayaj Asiria. Tekiuaj Josías kinixpoloj tiotsitsin tein kinueyichiuayaj itech altepet, kiyekchijchiuak templo uan kinpaleuij israelitas maj oksepa kiueyichiuanij Jiova.