TAMACHTILIS 8
Xiontamachti ika neskayomej
Mateo 13:34, 35
TEIN MONEKI TIKONCHIUAS: Xikonkualtsintili motamachtilis ika neskayomej tein amo ouijkej tein kinyolnotsas akin mitsonkakij uan tein kinmachtis tanemililmej tein tayekantokej.
KENIUJ TIKONCHIUAS:
Xikonixpejpena neskayomej tein amo ouijkej. Xikonchiua kemej Jesús: xikonkui seki taman tein kiixmatij akin mitsonkaktokej uan ika xikonmelaua tamachtilis tein motelneki uan seki taman tein amo ouij uan ika xikonmelaua tamachtilis tein ouij. Keman tikonijtos se neskayot, amo xikonajxitili okseki taman tein amo monekis. Xikonita maj senkis mouika iuan tanemilil tein tikonneki tiontamachtis, ijkon amo tikonpojpolos akin mitsonkakij.
Inintech xiontanemili akin mitsonkakij. Xikonijto neskayomej tein mouikaj ika tein momattokej kichiuaskej uan tein kinyolnotsa, sayoj ke amo tein kinpinaujtis nion kinyolxokolis.
Kuali xikonnexti tanemilil tein tayekantok. Xikonmelaua ika neskayomej tamachtilismej tein tayekantokej uan amo tein amo semi. Xikonita maj kuali kielnamikikan tanemilil tein tikonneki tiontamachtis uan amo sayoj neskayot tein tikonkuik.