TAMACHTILIS 18

Xikonchiua maj kimachilikan ke teisa momachtijkej

1 Corintios 9:19-23

TEIN MONEKI TIKONCHIUAS: Xikontanemililti akin mitsonkakij. Xikonchiua maj kimachilikan ke kimatkej teisa tein kinpaleuis.

Xikonnemili toni kimatijya akin mitsonkakij. Amo sayoj xikonijto tein kikakinijya, ta xikonnexti okseki taman kemej tamachtilis uelis kinpaleuis.

Amo semi ika xiontajto tein kimatijya akin mitsonkakij, ta xikonkui okachi tiempo itech tanemililmej tein yankuikej.
Xikontemo tamachtilis uan itech xiontanemili. Komo ueli, xikonmelaua se tanemilil tein tayekantok ika seki taman tein amo semi moixmati oso tein yankuixtok panouani. Xiontanemili itech nejon uan keniuj mouika iuan tamachtilis tein tikonneki tikonijtos.

Keman tikonitas tamachtilis, xionmochiuili netajtanilmej kemej nejin: ¿toni?, ¿keyej?, ¿kemanian?, ¿kani?, ¿akoni? uan ¿keniuj? Xikonchiujtiuj seki nejin netajtanilmej uan xikonnankilijtiuj itech nochi motanojnots, ijkon tikonkualtsintilis motamachtilis.
Xikonnexti keniuj uelis mokuis tamachtilis. Xikonmelaua keniuj tayolmajxitilis tein kitemaka Biblia uelis kinpaleuis mojmostaj. Ika xiontajto seki taman tein kinpanouani uan neskayomej tein kiixmatij akin mitsonkakij.