TAMACHTILIS 20
Keniuj ixyetok motekitis itech inechikol Dios
Jiova kiuelita maj nochipa kuali mochiua teisa (1 Corintios 14:33). Yejua ika moneki maj ixyeto keniuj motekitis itech inechikol. ¿Keniuj tekiti inechikol Dios? ¿Keniuj uelis titapaleuiskej?
1. ¿Akoni kiixyekana inechikol Dios?
“Cristo kinyekantinemi itaneltokakauan” (Efesios 5:23). Jesús kiita nochi tekit tein kichiuaj itekitikauan Jiova itech nochi taltikpak. Kiixtalij “takeual takuaujtamach uan tamatkej”, yejuan seki tayekananij akin miak xiujmejya kitekitilianij Jiova uan no moixmatij kemej Oloch Taojtokaltianij (xikonita Mateo 24:45-47). Ijkon kemej kichiuayaj tatitanilmej uan tayekananij itech yekinika siglo ompa Jerusalén, Oloch Taojtokaltianij kiixyekanaj inechikol Dios itech nochi taltikpak (Hechos 15:2). Sayoj ke nejin takamej amo yejuan senkis taixyekanaj, ta kitemouaj maj Jiova kinixyekana uan iTajtoltsin Biblia. No mokauaj maj Jesús kinixyekana.
2. ¿Akonimej tayekananij uan toni kichiuaj?
Tayekananij kuali kitekitiliaj Jiova, tamachtiaj ika Biblia, kinyekpiaj uan kinyolchikauaj akin pouij itech nechikol. Maski yejuan semi tekitij amo kichiaj maj kintaxtauikan, ta kichiuaj ika “kuali tanejnekilis” uan amo porin ‘kinektinemij nintomin san’ ta kichiuaj ika nochi ininyolo (1 Pedro 5:1, 2). Tayekananij tekitij iniuan tapaleuianij itech nechikol, uan yejuan no uelis mochiuaskej tayekananij.
Tokniuan Oloch Taojtokaltianij kinixpejpenaj seki tayekananij maj mochiuakan takalpanouanij itech circuito. Yejuan kinkalpanouaj tokniuan itech nechikolmej, kinyolchikauaj uan kinixyekanaj. Uan no, yejuan kiitaj itech Biblia tein moneki kichiuaskej takamej akin yeskij tayekananij uan tapaleuianij itech nechikol (1 Timoteo 3:1-10, 12; Tito 1:5-9).
3. ¿Toni kichiua sejse itaixpantijkauj Jiova?
Nochin kiueyichiuaj “itokay Jiova” keman itech nechikol, tanankiliaj, kitemakaj se tamachtilis uan kantarouaj. Uan no, keman tanojnotsaj nochi tein ueliskej (xikonita Salmo 148:12, 13).
MAJ OKACHI TIMOMACHTIKAN
Maj tikitakan keniuj taixyekana Jesús, keniuj tayekananij kichiuaj kemej yejua uan keniuj uelis tiktakamatiskej Jesús uan titekitiskej iniuan tayekananij.
4. Jesús se taixyekankej akin teyolseuia
Jesús techyoleua maj tikchiuakan se taman. Xikitakan Mateo 11:28-30 uan ika xitajtokan nejin:
¿Keniuj taixyekana Jesús? ¿Uan keniuj kineki maj timomachilikan?
¿Keniuj tayekananij kichiuaj kemej Jesús? Xikitakan VIDEO.
Biblia kuali kimelaua keniuj moneki kichiuaskej inintekiuj tayekananij.
Xikitakan Isaías 32:2 uan 1 Pedro 5:1-3, uan ika xitajtokan nejin:
Jesús kinpaleuiaya oksekin maj yolseujtokan, ¿keniuj tionmomachilia tikonmatis ke tayekananij no mochikauaj kichiuaskej kemej yejua?
¿Itech toni okseki taman tayekananij kichiuaj ijkon kemej Jesús?
5. Tayekananij kichiuaj tein tamachtiaj
¿Keniuj Jesús kineki maj kiitakan tayekananij tekit tein kichiuaj? Xikitakan VIDEO.
Jesús kijtoj keniuj moneki yeskij tokniuan akin techixyekanaj itech nechikol. Xikitakan Mateo 23:8-12 uan ika xitajtokan nejin:
¿Keniuj kijtoua Biblia ke moneki yeskij tayekananij? ¿Tikonnemilia ke ijkon kichiuaj tiopixkamej uan oksekin akin taixyekanaj itech okseki taneltokalismej?
Tayekananij mochikauaj kuali mouikaskej iuan Jiova uan kinpaleuiaj ininchankauan maj no ijkon kichiuakan.
Tayekananij ininka motekipachouaj nochin tokniuan itech nechikol.
Tayekananij mochikauaj tanojnotsaskej nochipa.
Tayekananij tamachtiaj. Yejuan no tachipauaj uan kichiuaj okseki tekimej.
6. Titekitij iniuan tayekananij
Biblia kijtoua keyej semi moneki maj titekitikan iniuan tayekananij. Xikitakan Hebreos 13:17 uan ika xitajtokan nejin:
¿Keyej Biblia kijtoua ke moneki tikintakamatiskej akin techixyekanaj? ¿Taixejekol nejon? ¿Keyej ijkon tikonnemilia?
Xikitakan Lucas 16:10 uan ika xitajtokan nejin:
¿Keyej moneki tikintakamatiskej tayekananij maski tikitaskej ke amo semi moneki?
TEIN SEKIN KIJTOUAJ: “Amo moneki tipouiskej itech nion se taneltokalis”.
¿Keyej moneki tikueyichiuaskej Dios itech nechikol?
TEIN TIKITAKEJ
Jesús kiixyekana inechikol Dios uan kinixyekana tayekananij. Tejuan ika pakilis iniuan titekitij porin techyekpiaj uan techmachtiaj ika tein kichiuaj.
Maj tikelnamikikan
¿Akoni kiixyekana inechikol Dios?
¿Keniuj tayekananij kinpaleuiaj tokniuan itech nechikol?
¿Toni kichiua sejse itaixpantijkauj Jiova?
NO XIKONITA NEJIN
Xikonita keniuj Oloch Taojtokaltianij uan tayekananij ininka motekipachouaj okseki tokniuan.
Xikonita tekit tein kichiuaj tokniuan takalpanouanij.
Nochi tein kichiua se tokniuj takalpanojkej itech se xolalkonet (4:51)
Xikonita tekit tein kipiaj siuamej itech nechikol.
“¿Tienen ministras religiosas los testigos de Jehová?” (La Atalaya, 1 de septiembre de 2012)
Xikonita keniuj tayekananij mochikauaj kinyolchikauaskej tokniuan.
“Tokniuan tayekananij tapaleuiaj itech toyolpakilis” (Tanejmachtijkej, 1 metsti enero xiuit 2013)