TAMACHTILIS 25
¿Keniuj kineki Dios maj tinemikan?
Biblia kijtoua ke tinochin ‘amo uejkaua tinemij uan tikpiaj miak kuejmolmej’ (Job 14:1). Sayoj ke, ¿ijkon kineki Dios maj tinemikan? Uan komo amo, ¿keniuj kiixtalijtok maj tinemikan? ¿Mochiuasok? Xikonita keniuj tein kijtoua Biblia techyolchikaua.
1. ¿Keniuj kineki Dios maj tinemikan?
Jiova kineki maj kualtsin tinemikan. Keman kinchijchiuak Adán uan Eva, kintalij itech xochital Edén kampa takualtsinkan. Uan “Dios kintiochiuak uan kiniluij: ‘Xikinpiakan miakej konemej, ximomiakilikan, ximomoyauakan itech taltikpak uan xikixyekanakan’” (Génesis 1:28). Jiova kinekia maj kinpiakan konemej, maj kichiuanij nochi taltikpak se xochital uan maj kinyekpianij tapialmej. Kinekia maj nochin paktokan uan maj nemikan nochipaya.
Maski axkan amo ijkon tinemij,a Dios amo kipatani tein kiixtalijtok (Isaías 46:10, 11). Yejuatsin kisentoka kineki maj kuali nemikan akin kitakamatij uan maj amo tajyouikan (xikonita Apocalipsis 21:3, 4).
2. ¿Keniuj uelis tiyolpakiskej axkan?
Jiova techchijchiuak maj tiknekikan ‘timotokiskej iuan’ oso maj tiknekikan tikixmatiskej uan tikueyichiuaskej (xikonita Mateo 5:3-6). Dios kineki maj kuali iuan timouikakan, maj tinentinemikan “itech nochi iojuan”, maj tiktasojtakan uan maj tiktekitilikan ika nochi toyolo (Deuteronomio 10:12; Salmo 25:14). Komo ijkon tikchiuaj, uelis tiyolpakiskej maski tikpiaskej kuejmolmej. Komo tikueyichiuaj Jiova yekmelauj tiyolpakij porin tikchiuaj tein yejuatsin kineki.
MAJ OKACHI TIMOMACHTIKAN
Maj tikitakan keniuj Jiova kinextia ke techtasojta keman kichijchiuak taltikpak uan tein Biblia tamachtia kemej kineki maj tinemikan.
3. Jiova kineki maj kualtsin tinemikan
Xikitakan VIDEO uan ika xitajtokan nejin:
¿Keyej kichijchiuak Dios taltikpak semi kualtsin?
Xikitakan Eclesiastés 3:11 uan ika xitajtokan nejin:
¿Toni techmachtia nejin tajtolmej kemej tamati Jiova?
4. Tein Jiova kiixtalijka amo mopatani
Xikitakan Salmo 37:11, 29 uan Isaías 55:11, uan ika xitajtokan nejin:
¿Keniuj tikmatij ke tein Jiova kiixtalijka amo mopatani?
Se kali tein uejueliujtokya ueli oksepa se kiyekchijchiua. No ijkon Dios uelis kiyektalis taltikpak maski semi tauejuelojtokej, para ompa nemiskej nochin akin kitasojtaj.
5. Komo tikueyichiuaj Jiova amo nenkaj tinemij
Tiyolpakij keman tikmatij keyej tinemij. Xikitakan VIDEO uan ika xitajtokan nejin:
¿Keniuj kipaleuij Terumi kimatis keyej tinemij?
Xikitakan Eclesiastés 12:13 uan ika xitajtokan nejin:
¿Keniuj uelis tiknextiskej ke tiktasojkamatij nochi tein Jiova toka kichiuani?
TEIN SEKIN UELIS MITSONTAJTANISKEJ: “¿Keyej tinemij?”.
¿Toni tiontanankiliskia?
TEIN TIKITAKEJ
Jiova kineki maj tinemikan nochipaya nikan taltikpak uan maj amo titajyouikanok. Axkan, no tiyolpakij keman tikueyichiuaj Jiova ika nochi toyolo.
Maj tikelnamikikan
¿Keniuj Jiova kiixtalij maj nemikan Adán uan Eva?
¿Keniuj tikmatij ke tein Jiova kiixtalijka amo mopatani?
¿Toni moneki tikonchiuas tejuatsin para senkis tionyolpakis?
NO XIKONITA NEJIN
Xikonita keyej tikmatij ke xochital Edén yekmelauj moajsia.
“El jardín de Edén, ¿una simple leyenda?” (La Atalaya, 1 de enero de 2011)
Xikonita keyej taltikpak amo keman ixpoliuis.
Xikonita keyej Biblia kijtoua ke tinemij.
Xikonita keniuj se takat akin kipiaya nochi, kiitak ke kipolouaya teisa itech inemilis.
a Itech okse tamachtilis tikitaskej toni panok.