¿Keyej tinemij?

Tein Biblia kijtoua

Akin motajtaniaj nejin, tein melauj, no motajtanijtokej: “¿Keyej tiyoltokej?” oso “¿Keyej techchijchiujkej?”. Biblia techiluia ke Dios techchijchiuak para maj ueli kuali timouikakan iuan. Para tikajsikamatiskej nejin, moneki tikitaskej seki taman tein Biblia tamachtia.

• Dios yejua akin techchijchiuak. Biblia kijtoua: “Yejua [Dios] techchijchiuak uan tejuan tiiaxkauan” (Salmo 100:3; Apocalipsis 4:11).

• Onkak keyej Dios techchijchiuak tejuan uan nochi tein onkak (Isaías 45:18).

• Dios techchijchiuak kemej tikmachiliskej ke ‘moneki maj techixyekana’, uan tikmatiskej keyej tinemij (Mateo 5:3). Dios kineki maj timotokikan iuan Dios ijkon kemej tiknejnekij (Salmo 145:16).

• Tiknextiaj ke tiknekij maj techixyekana komo tiktemouaj tikixmatiskej Dios uan kuali iuan timouikaj. Nejin kemaj uelis tikchiuaskej. Tein melauj, Biblia techyoleua: “Ximotokikan iuan Dios uan yejua motokis namouan” (Santiago 4:8; 2:23).

• Para uelis kuali timouikaskej iuan Dios ijkon kemej tiknejnekij, moneki tikchiuaskej nejin: “Xikmojkatoka Dios akin melauak uan xiktakamati itanauatiluan, porin yejua nejin tein moneki maj se kichiua” (Eclesiastés 12:13).

• Amo uejkaua, keman Dios kitamis tajyouilis uan kichiuas maj nemikan nochipaya akin amo kikauaj, senkis nemiskej kemej Dios ipa kinekini (Salmo 37:10, 11).