¿Tiksentokaj tinemij keman timomikiliaj?

¿Momikilij aksa akin semi tikontasojta? Itech nejon tonalmej keman semi tiontayokoxtoya, xa tionmotajtanij “¿Tikpiaj teisa tein kisentoka yoltok keman timomikiliaj? ¿Oksepa nikinitas akin momikilijkejya?”. Itech nejin tamachtilis uan itech okse tikitaskej keniuj semi techyolseuia tein Biblia tamachtia.

1. ¿Tiksentokaj tinemij keman timomikiliaj?

Jesús kijtoj ke keman se momikilia kemej yeskia kuali se kochtok. Keman aksa kuali kochtok, amo kimati tein panotok kampa ika yetok. ¿Keyej keman se momikilia kemej yeskia kuali se kochtok? Keman aksa momikilia, amo teyi kikokouaok nion tajyouia. Biblia kijtoua ke “akin momikilijkejya amo teyi kimatijok” (xikonita Eclesiastés 9:5).

2. ¿Keyej techpaleuia tikmatiskej tein yekmelauj panoua keman timomikiliaj?

Miakej kimouiliaj momikiliskej uan kinmouiliaj mikemej. Sayoj ke tein Biblia kijtoua teyolseuia. Jesús kijtoj: “Ne yek melau Tajtoltsin, [...] namechtojtomatiu” (Juan 8:​32). Itech miak taneltokalismej motamachtia ke keman timomikiliaj tikpiaj teisa tein kisentoka yoltok. Sayoj ke Biblia amo tamachtia nejon. Yejua ika akin momikilijkejya amo tajyouiaj uan kemej amo teyi kimatijok amo uelij techijtakouaj. Uan amo moneki tikchiuaskej teisa para tikinueyichiuaskej oso para maj amo tikinkualantikan.

Sekin kijtouaj ke uelis titajtoskej iniuan mikemej, sayoj ke nejon amo ueli porin kemej tikitakejya, akin momikilijkejya “amo teyi kimatijok”. Akin kinemiliaj ke monojnotsaj iniuan mikemej, tein melauj monojnotsaj iniuan amo kuali ejekamej porin ueli kichiuaj tein kichiuayaj akin momikilijkejya. Yejua ika, keman tikmatij tein yekmelauj kinpanoua akin momikilijkejya, techpaleuia maj amo timouikakan iniuan amokuali ejekamej. Jiova technejmachtia maj amo tiktemokan titajtoskej iniuan akin momikilijkejya, porin kimati ke semi tamouilil maj titajtokan iniuan amokuali ejekamej (xikonita Deuteronomio 18:​10-​12).

3. Tein yekmelauj panoua keman timomikiliaj

Noyampa taltikpak tataman tein kineltokaj ke techpanoua keman timomikiliaj. Sayoj ke amo nochi tein kineltokaj yekmelauj panoua.

• ¿Toni kineltokaj ke kinpanoua akin momikilijkejya kampa tionnemi?

VIDEO: ¿Keniuj moajsij mikemej? (taxelol) (1:​19)

Xikitakan Eclesiastés 3:​20 uan ika xitajtokan nejin:

• Kemej kijtoua nejin texto, ¿toni kinpanoua akin momikiliaj?

• Keman aksa momikilia, ¿kisentoka yoltok teisa?

Biblia ika tajtoua keman Lázaro momikilij, yejua semi kuali mouikaya iuan Jesús. ¿Keniuj kijtoj Jesús ke yetoya Lázaro? Xikitakan Juan 11:​11-​14 uan ika xitajtokan nejin:

• ¿Keniuj kijtoj Jesús ke tamati mikilis?

• ¿Toni techmachtia nejon?

• ¿Uelis se kineltokas nejin tein Biblia tamachtia?

4. Techpaleuia tikmatiskej tein yekmelauj panoua keman timomikiliaj

Keman tikmatij tein yekmelauj kinpanoua akin momikilijkejya, amo tikinmouiliajok. Xikitakan Eclesiastés 9:​10 uan ika xitajtokan nejin:

• ¿Uelis mikemej techiuiliskej tein amo kuali?

Keman tikmatij tein yekmelauj tamachtia Biblia techpaleuia maj amo tikinueyichiuakan mikemej nion maj tiknemilikan ke uelis kualaniskej. Xikitakan Isaías 8:​19 uan Apocalipsis 4:​11, uan ika xitajtokan nejin:

• ¿Keniuj momachilia Jiova keman kiita ke kinueyichiuaj mikemej oso kitemouaj maj kinpaleuikan?

5. Techyolseuia tikmatiskej tein yekmelauj panoua keman timomikiliaj

Miakej kinmachtiaj ke keman momikiliskej tajyouiskej komo kichiuaj tein amo kuali. Sayoj ke teyolseuia tikmatiskej ke amo akin tajyouia keman momikilia, amo tajyouiaj nion akin kichiuaj tein amo kuali. Xikitakan Romanos 6:7 uan ika xitajtokan nejin:

• Biblia kijtoua ke akin momikilia kiixtaua itajtakoluan. Yejua ika, ¿tikonnemilia ke akin momikilijkejya tajyouijtokej porin kichiujkej tein amo kuali?

Keman okachi tikixmatij Jiova, okachi tikneltokaj ke yejuatsin amo kinkauaskia maj tajyouikan akin momikilijkejya. Xikitakan Deuteronomio 32:4 uan 1 Juan 4:8, uan ika xitajtokan nejin:

• Kemej itech nejin textos moijtoua keniuj tamati Jiova, ¿tikonnemilia ke kintajyouiltiskia akin momikilijkejya?

• ¿Techyolseuia tikmatiskej keniuj yekmelauj moajsij mikemej? ¿Keyej?

TEIN TIKITAKEJ

Keman aksa momikilia amo kipia teisa tein kisentoka yoltok. Amo tajyouia uan amo techchiuilia tein amo kuali.

Maj tikelnamikikan

• ¿Tikpiaj teisa tein kisentoka yoltok keman timomikiliaj?

• ¿Keniuj techpaleuia tikmatiskej tein yekmelauj panoua keman timomikiliaj?

• ¿Keniuj techyolseuia nejon?

NO XIKONITA NEJIN

Xikonita toni kijtosneki tajtol alma itech Biblia.

“¿Qué es el alma?” (Artículo de jw.org)

Xikonita ox Dios kinchichinojtok akin amo yolkualmej keman momikiliaj.

¿Yekmelauj se tajyouia ika tit itech miktan? (3:07)

¿Moneki tikinmouiliskej mikemej?

Imin espíritus mikemej... ¿Uelij tepaleuiaj, oso teijtakouaj? ¿Yekmelauj nemij? (Folleto)

Xikonita keniuj kipaleuij se takat kimatis tein yekmelauj panoua keman timomikiliaj.

“Me impresionaron las respuestas claras y lógicas de la Biblia” (La Atalaya, 1 de febrero de 2015)