TAMACHTILIS 56
Xiontapaleui maj itech nechikol amo xexeliujtokan
Keman tietokej iniuan tokniuan no timomachiliaj kemej tekiuaj David. Yejua kijtoj: “¡Xikitakan! ¡Semi kuali uan semi teyolpaktij maj tokniuan kualtsin sennemikan!” (Salmo 133:1). Para amo tixexeliujtoskej, tinochin moneki titapaleuiskej.
1. ¿Toni okachi moita itech ixolal Dios?
Komo tionyaskia se nechikol itech okse altepet, xa amo tikonmatiskia toni kijtouaj, sayoj ke tikonmachiliskia kemej yeskia mochan. ¿Keyej? Porin kampa yeski tionyas, tikonitas ke tiitaixpantijkauan Jiova amo tikpataj amaixmej tein ika timomachtiaj Biblia. Uan no timochikauaj tiknextiskej ke timotasojtaj se uan okse. Kampa yeski tinemiskej, tinochin tiknekij ‘tikuiskej itokay Jiova’ uan tiksenueyichiuaskej (Sofonías 3:9; nota).
2. ¿Keniuj uelis tejuatsin tiontapaleuis maj amo xexeliujtokan itech nechikol?
“Ximosepantasojtatiyakan se uan okse [...] ika nochi namotanejnekilis” (1 Pedro 1:22). ¿Keniuj uelis tikonchiuas nejin? Amo xikonita itech toni mopolouaj oksekin, ta xikonita tein kuali tein kichiuaj. Amo sayoj xionmouika iniuan akin kiuelitaj tein tejuatsin tikonuelita, ta no xionmochikaua tikonixmatis akin okseko kayomej uan taman kemej momattokej nemiskej. Uan no, xionmochikaua nion tepitsin tiontechikoitas (xikonita 1 Pedro 2:17).a
3. ¿Toni uelis tikonchiuas komo tionmotajtolteuia iuan se tokniuj?
Maski amo tixexeliujtokej, tinochin titajtakolejkej uan uelis titeyolxokoliskej oso techyolxokoliskej. Yejua ika, iTajtol Dios kijtoua: “Xiksentokakan [...] ximotapojpoluikan”. Uan no kijtoua: “Kemej Jiova ika miak pakilis namechtapojpoluij namejuan, no ijkon xikchiuakan namejuan” (xikonita Colosenses 3:13, TNM). Miakpa tikyolxokoliaj Jiova, uan yejuatsin techtapojpoluia. Yejua ika no kichia maj tikintapojpoluikan tokniuan. Komo tejuatsin tikonmati ke tikonyolxokolij aksa xikontemo tikonyektalis tein mochiuak (xikonita Mateo 5:23, 24).b
MAJ OKACHI TIMOMACHTIKAN
Xikonnemili keniuj uelis tiontapaleuis maj onka yolseuilis uan maj amo tixexeliujtokan itech nechikol.
¿Toni tikonchiuas para tikonyektalis kuejmolmej?
4. Amo xiontechikoita
Tiknekij tiknextiskej ke tikintasojtaj nochin tokniuan. Sayoj ke xa ouij techkisas keman tikitaskej ke sekin tamamej. ¿Toni uelis techpaleuis? Xikitakan Hechos 10:34, 35 uan ika xitajtokan nejin:
Jiova kinselia akin seseko kayomej maj mochiuakan itaixpantijkauan, ¿keniuj uelis tikonchiuas kemej yejuatsin iniuan akin tamamej?
Kampa tejuatsin tionnemi, ¿toni ika techikoitaj? ¿Keyej amo moneki no ijkon tikonchiuas?
Xikitakan 2 Corintios 6:11-13 uan ika xitajtokan nejin:
¿Toni moneki tikonchiuas para tikontasojtas okachi nochin tokniuan?
5. Nochipa xiontetapojpolui uan xikonyektali kuejmol
Maski tejuan amo keman monekis tiktapojpoluiskej Jiova, yejuatsin nochipa techtapojpoluia. Xikitakan Salmo 86:5 uan ika xitajtokan nejin:
¿Toni techmachtia nejin versículo kemej Jiova tetapojpoluia?
¿Tikontasojkamati maj Jiova tetapojpolui? ¿Keyej?
¿Toni uelis kichiuas maj ouij techkisa kuali timouikaskej iniuan oksekin?
¿Itech toni moneki tikchiuaskej kemej Jiova uan ijkon kuali timouikaskej iniuan tokniuan? Xikitakan Proverbios 19:11 uan ika xitajtokan nejin:
Komo aksa kichiua tein amo tikonuelita, ¿toni uelis tikonchiuas para moyektalis kuejmol?
Kemansa tejuan akin tikchiuaj teisa tein amo kiuelitaj oksekin. ¿Toni moneki tikchiuaskej keman ijkon panos? Xikitakan VIDEO uan ika xitajtokan nejin:
¿Toni kichiuak tokniuj akin moitak itech video para kiyektalis kuejmol tein kipiaya?
6. Xikonita tein kuali tein kichiuaj tokniuan
Keman okachi tikinixmatij tokniuan, amo sayoj tikitaj tein kuali tein tikchiuaj, ta no itech toni mopolouaj. ¿Keniuj uelis sayoj tikitaskej tein kuali tein kichiuaj? Xikitakan VIDEO uan ika xitajtokan nejin:
¿Toni mitsonpaleuis xikonita tein kuali tein kichiuaj tokniuan?
Jiova kiita tein kuali tein tiknextiaj. Xikitakan 2 Crónicas 16:9a uan ika xitajtokan nejin:
¿Keniuj tionmomachilia tikonmatis ke Jiova okachi kiita tein kuali tein tikonchiua?
Se tetsin tein kualtsin milini semi kipia ipatiuj maski kipolos teisa. No ijkon panoua iniuan tokniuan, nochin tajtakolejkej sayoj ke Jiova semi kinpatiuita.
TEIN SEKIN KIJTOUAJ: “Para niktapojpoluis aksa, yekinika moneki nechnextilis ke kiyolkokoua tein kichiuak”.
¿Keyej moneki nochipa tiknekiskej titetapojpoluiskej?
TEIN TIKITAKEJ
Komo tikontapojpoluia tokniuan uan tikonnextia ke tikontasojta nochin, kichiuas maj amo xexeliujtokan itech nechikol.
Maj tikelnamikikan
¿Keniuj uelis amo tiontechikoitas?
¿Toni tikonchiuas keman tionmotajtolteuis iuan se tokniuj?
¿Keyej tikonuelitaskia tiontetapojpoluis kemej kichiua Jiova?
NO XIKONITA NEJIN
Jesús ika tajtoj se taman tein techpaleuia maj amo tikinijijtokan oksekin. Xikonita toni.
¿Moneki titajtaniskej maj techtapojpoluikan komo tiknemiliaj ke amo tikchiujkej tein amo kuali?
“Disculparse, un medio eficaz para hacer las paces” (La Atalaya, 1 de noviembre de 2002)
Xikonita keniuj ome takamej momachtijkej amo mochikoitaskej maski kampa moskaltijkej ijkon kichiuayaj.
Xikonita keniuj tikonyektalis kuejmolmej achto ke poliuis yolseuilis itech nechikol.
“Maj tikyektalikan kuejmolmej ika netasojtalis” (Tanejmachtijkej, metsti mayo xiuit 2016)