TAMACHTILIS 01
¿Keniuj uelis mitsonpaleuis tein Biblia kijtoua?
Timiakej tiknekij tikmatiskej keyej titajyouiaj, keyej timomikiliaj uan keniuj tinemiskej satepan. Uan no, mojmostaj techtekipachoua keniuj timoixpanoltiskej oso keniuj tiyolpakiskej iniuan tochankauan. Miakej kiitanij ke Biblia kimelaua nejin tein tiknekij tikmatiskej, uan techyolmajxitia tein uelis tikchiuaskej nochipa. Uan tejuatsin, ¿akoni tikonnemilia ke uelis kipaleuis tein kijtoua Biblia?
1. ¿Katiyejua netajtanilmej monankiliaj itech Biblia?
Biblia techmelauilia tein tiknekij tikmatiskej kemej nejin: ¿Akoni techchijchiuak?, ¿keyej tinemij?, ¿keyej tinochin titajyouiaj?, ¿toni techpanoua keman timomikiliaj?, ¿keyej mochiua neteuilis uan momijmiktiaj maski tinochin tiknekij kuali tinemiskej? Uan, ¿ixpoliuis nejin taltikpak? Nejin uelis tikmatiskej porin Biblia kimelaua, uan millones akin momachtiaj semi yolpakij ika tein kimatinij.
2. ¿Keniuj Biblia techpaleuia maj nochipa tiyolpakikan?
Biblia techyolmajxitia keniuj uelis tiyolpakiskej iniuan tochankauan, techpaleuia maj amo semi timotekipachokan uan maj tiknekikan titekitiskej. Ijkon kemej timomachtijtiaskej tikonmatis nejin uan okseki taman tein Biblia tamachtia. Uan tikonitas ke “nochi Amatajkuilol [oso tein Biblia kijtoua] [...] tapaleuia” (2 Timoteo 3:16, TNM).
Maski nejin amatajkuilol amo Biblia, semi mitsonpaleuis kuali xikonixmati tein Biblia tamachtia. Yejua ika, xikontemo nochi textos tein kipia sejse tamachtilis uan no xikonita tein tionmomachtijya.
MAJ OKACHI TIMOMACHTIKAN
Maj tikitakan keniuj miakej kinpaleuiani tein Biblia tamachtia. No tikitaskej tein techpaleuis maj tikuelitakan tikleroskej Biblia, uan keyej moneki maj aksa techmelauili tein kijtoua.
3. Biblia techixyekana
Biblia kemej yeskia se tanex tein kualtsin techtauilijtiuj kampa tinejnemij, porin techpaleuia maj tikixpejpenakan tikchiuaskej tein kuali uan techmatiltia tein mochiuas amo uejkaua.
Xikitakan Salmo 119:105 uan ika xitajtokan nejin:
Akin kijkuiloj nejin salmo, ¿keniuj kiitaya tein Biblia kijtoua?
Uan tejuatsin, ¿keniuj tikonita tein Biblia kijtoua?
4. Biblia techmelauilia tein tiknekij tikmatiskej
Se siuat kiitak ke Biblia kimelaua tein miak xiujmej kinekia kimatis. Xikitakan VIDEO uan ika xitajtokan nejin:
¿Toni kinekia kimatis siuat akin nesi itech video?
¿Keniuj kipaleuij momachtis Biblia?
Biblia techyolmajxitia maj titajtanikan tein tiknekij tikmatiskej. Xikitakan Mateo 7:7 uan ika xitajtokan nejin:
¿Tikonnemilia ke Biblia uelis mitsonmelauilis tein tikonneki tikonmatis? ¿Kemej katiyejua netajtanilmej tionmochiuiliani?
5. Uelis mitsonyolpaktis tikonleros Biblia
Miakej kiuelitaj kileroskej Biblia uan kiitaj keniuj kinpaleuia. Xikitakan VIDEO uan ika xitajtokan nejin:
¿Keyej telpochmej akin nesij itech video amo kiuelitaj taleroskej?
¿Keyej kiuelitaj kileroskej Biblia?
Tein Biblia tamachtia techyolchikaua uan techpaleuia maj tikchiakan tein kuali. Xikitakan Romanos 15:4 uan ika xitajtokan nejin:
¿Tikonuelitaskia tikonmatis keniuj Biblia techyolchikaua uan techpaleuia maj tikchiakan tein kuali?
6. Uelis tikonmatis tein kijtoua Biblia komo aksa mitsonpaleuia
Sekin ininselti kilerouaj Biblia, sayoj ke okachi kimatij tein kilerouaj komo kinpaleuiaj. Xikitakan Hechos 8:26-31 uan ika xitajtokan nejin:
¿Keniuj uelis tikmatiskej nochi tein Biblia tamachtia? (Xikitakan versículos 30 uan 31).
Takat akin kayot katka Etiopía monekik maj kipaleuikan maj kimati tein tamachtia Biblia. Miakej no semi kinpaleuiani keman momachtiaj Biblia iuan aksa.
TEIN SEKIN KIJTOUAJ: “Sayoj titonalpolouaj komo timomachtiaj Biblia”.
¿Uan tejuatsin toni tikonnemilia?
TEIN TIKITAKEJ
Biblia techpaleuia maj tikmatikan tein uelis tikchiuaskej. Biblia techmelauilia tein tiknekij tikmatiskej, techyolchikaua uan techpaleuia maj tikchiakan tein kuali.
Maj tikelnamikikan
¿Keniuj Biblia techiluia tein uelis tikchiuaskej?
¿Toni tein tiknekij tikmatiskej techmelauilia Biblia?
¿Toni tein Biblia tamachtia no tikonuelitaskia tikonmatis?
NO XIKONITA NEJIN
Xikonita keniuj techpaleuia axkan tein Biblia tayolmajxitia.
“Tamatilis tein kipia Biblia nochipa tapaleuia” (Tanejmachtijkej, tapoual 1 xiuit 2018)
Xikonita keniuj Biblia kipaleuij se takat akin peuak kimachilia ke amo teyi chiujkej keman konetok katka.
Xikonita keniuj tein Biblia kijtoua techpaleuia maj tiyolpakikan iniuan tochankauan.
“12 claves para una familia feliz” (¡Despertad!, núm. 2 2018)
Akin taixyekantok nikan taltikpak amo yejua akin miakej kinemiliaj, xikonita keniuj Biblia kimelaua akoni yekmelauj taixyekantok.
¿Keyej moneki timomachtiskej Biblia? (video tein ajsitok) (3:14)