TAMAJSIKAYOT 3
¿Keniuj titamachtiskej ika Biblia ika amaix ¡Uelis tiyolpakiskej nochipaya!?
Tokniuan semi motataujtijkej uan kuali kinemilijkej toni tamachtilis kipiaskia amaix ¡Uelis tiyolpakiskej nochipaya! Yejua ika, para kuali tikonkuis nejin amaix keman tiontamachtis, xikonchiua tein nikan moijtoua.
Achto ke tiontamachtis
1. Kuali xionmomachti. Xikonnemili toni kipaleuis akin tikonmachtijtok, tein kipanotok uan tein kineltoka. ¿Toni xa kiouijkisas kiajsikamatis oso kichiuas? Xionmomachti tamachtilismej uan videos tein moajsij itech taxelol “No xikonita nejin” uan xikonnemili keniuj uelis kipaleuis akin tikonmachtia. Ijkon komo moneki uelis tikonkuis keman tikonmachtis.
Keman tiontamachtijtos
2. Komo akin tikonmachtia kineki, xikonchiua netataujtil keman peuas uan tamis nemachtil.
3. Amo semi xiontajto. Sayoj ika xiontajto tamachtilis tein nankiitaskej uan xikonkaua akin tikonmachtia maj kijto tein kinemilia.
4. Keman nankipeualtiskej okse taxelol, xikonlero tanemilil tein tayekantok uan xikonijto seki tamachtilismej tein kipia.
5. Keman tamis se taxelol, xikitakan netajtanilmej tein moajsij kampa kijtoua “Tein tikitakej” para maj akin tikonmachtia kielnamiki tein namomachtijkej.
6. Keman tikonitas sejse tamachtilis iuan akin tikonmachtia:
1). Xiksenlerokan párrafos tein ika peua tamachtilis.
2). Xiksenlerokan nochi textos itech Biblia tein kijtouaj “Xikitakan”.
3). Komo moneki xikonlerokan okseki textos tein kipia tamachtilis.
4). Nochipa keman tionuelis, xikontali nochi videos tein kijtouaj “Xikitakan”.
5). Xikonchiuili nochi netajtanilmej.
6). Xiksenitakan nochi taixkopimej tein nesij itech taxelol “Maj okachi timomachtikan”.
7). Xikonkui recuadro “Xikonixtali tikonchiuas nejin” para maj akin tikonmachtia kiita tein kichiuania. Xikonpaleui maj kiixtali kichiuas seki taman. Kemej tein kijtoua recuadro oso okseki.
8). Xikontajtani ox keman momachtij kiuelitak se tamachtilis oso se video tein moajsi itech taxelol “No xikonita nejin”.
9). Keman namomachtiskej xionmochikaua nankiitaskej nochi se tamachtilis.
Satepan ke nanmomachtiskej
7. Xikonsentoka xikonnemili keniuj tikonpaleuis akin tikonmachtia. Xikontajtani Jehová maj kipaleui maj kisentoka kichiua tein momachtijtok uan maj mitsonmaka tamatilis para tikonpaleuis.