TONEMILIS KEMEJ ITATOJTOKAKAUAN CRISTO

Tiyolpakiskej nochipaya: yankuik nepaleuilmej tein ika titamachtiskej Biblia

¡Semi techyolpaktia tikpiaskej se yankuik libro uan se yankuik folleto tein ika titamachtiskej Biblia! Tiktajtaniaj Jiova maj techpaleui maj ueli tikinpaleuikan oksekin maj mochiuakan itatojtokakauan Cristo (Mt 28:18-20; 1Co 3:6-9). ¿Keniuj uelis tikuiskej nejin yankuik amatajkuilolmej?

Kemej ika nejin amatajkuilolmej okachi iuan se tajtoua akin se kimachtia, moneki tikpataskej kemej titamachtiayaj. Yejua ika, xikonchiua nejin keman tiontamachtis uan keman tionmomachtis:a

Xikonixtajtolti tamachtilis uan itech xiontanemili netajtanilmej.
Xikonixtajtolti tajkuilolmej tein kipia tamachtilis uan xikonpaleui akin tikonmachtia maj kiajsikamati toni kimachtiaj nejon tajkuilolmej.
Xikontali videos uan xikonchiua netajtanilmej tein kipia tamachtilis.
Ximochikauakan nanmatamiskej se tamachtilis nochipa keman nanmomachtiskej.

Itech tanojnotsalis achto xikontemaka folleto uan ijkon tikonmatis ox taltikpaknenkej kineki okachi momachtis (xikonita recuadro “Keniuj uelis tiktemakaskej folleto Tiyolpakiskej nochipaya keman yekinika tiknojnotsaskej se taltikpaknenkej”, itech página 16). Komo nanmotamimachtiaj folleto uan taltikpaknenkej kineki kisentokas momachtis, xikonmaka libro uan xipeuakan itech tamachtilis 4. Komo tiontamachtijtok ika semej amaixmej tein ika titamachtiaj, peua xikonkui libro Tiyolpakiskej nochipaya. Tejuatsin tikonitas itech katiyejua tamachtilis tionpeuas.

Tokniuj takat uan inamik yetokej ichan telpoch uan kimachtiaj ika folleto “Tiyolpakiskej nochipaya”.

SATEPAN KE TIKONITAS VIDEO KUALI XIONMOMACHILI TIONMOMACHTIS BIBLIA, XIKONNANKILI NEJIN NETAJTANILMEJ:

¿Toni kimatiskej ika yankuik libro akin momachtijtokej Biblia?
¿Keyej moneki tikonnextilis nejin video akin yankuixtok peuak momachtiaj Biblia?
¿Toni uelis tikonpaleuis maj kiixtali kichiuas akin tikonmachtia? (Xikonita recuadro “Tanemililmej tein tayekantokej uan tein ixyetok mochiuas itech sejse taxelol”, itech página 16).

a NOTA: Moneki xionmomachti nochi tamachtilis maski keman iuan tionmomachtis taltikpaknenkej tejuatsin tikonixejekos ox tikonitas taxelol “No xikonita nejin”. Ijkon tikonmatis toni okachi kiyolnotsas akin tikonmachtia uan toni okachi kipaleuis. Itech celular oso tableta sayoj monekis tikonpatskilis kampa nesij videos uan okseki tamachtilis.

TANEMILILMEJ TEIN TAYEKANTOKEJ UAN TEIN IXYETOK MOCHIUAS ITECH SEJSE TAXELOL
	TAMACHTILISMEJ	TANEMILIL TEIN TAYEKANTOK	TEIN UELIS KICHIUAS AKIN MOMACHTIJTOK BIBLIA
1	1-12	Tikmatiskej keniuj uelis techpaleuis tein kijtoua Biblia uan keniuj uelis tikixmatiskej akin kichiuak maj moijkuilo.	Xikonyolchikaua maj kiixtajtolti Biblia, maj momachti achto ke nanmomachtiskej uan maj youi nechikolmej.
2	13-33	Tikitaskej tein Dios toka kichiuani uan keniuj kineki maj tikueyichiuakan.	Xikonyolchikaua maj kintapoui oksekin tein momachtijtok uan maj mochiua tanojnotskej.
3	34-47	Tikmatiskej tein Dios kineki maj kichiuakan akin kiueyichiuaj.	Xikonyolchikaua maj motemakti iuan Jiova uan maj moaui.
4	48-60	Tikitaskej keniuj uelis tiksentokaskej itech inetasojtalis Dios.	Xikonnextili keniuj uelis kiixejekos toni kuali uan toni amo kuali, uan xikonpaleui maj kisentoka motoki iuan Jiova.