Se tokniuj no peuak poui iuan Oloch Taojtokaltianij
Miércoles kualkan itech tonal 5 metsti septiembre xiuit 2012, tokniuan akin tekitij Betel ompa Estados Unidos uan Canadá, kinnauatijkej ke itech tonal 1 metsti septiembre, tokniuj Mark Sanderson peuaskia tekitiskia kemej semej Oloch Taojtokaltianij tein kinixyekanaj iTaixpantijkauan Jiova.
KiiskaItijkej itatuan akin katkajya itaixpantijkauan Jiova ompa San Diego (California, Estados Unidos), uan moauij itech tonal 9 metsti febrero xiuit 1975. Peuak tekiti kemej precursor ompa Saskatchewan (Canadá) itech tonal 1 metsti septiembre xiuit 1983. Itech metsti diciembre xiuit 1990 kiselij chikometika Tamachtilis tein kinpaleuia Tokniuan Takamej itech iTekiyo Dios (tein axkan moixmati kemej Tamachtilis ika Biblia tein kiseliaj Takamej akin Ininselti) ompa Estados Unidos, uan itech metsti abril xiuit 1991 kititankej kemej precursor especial itech se isla kampa motatokaytia Terranova (Canadá). Tekitik kemej takalpanojkej taixpatakej hasta keman kiyoleujkej maj tekititij Betel ompa Canadá itech metsti febrero xiuit 1997. Itech metsti noviembre xiuit 2000, kititankej Betel tein moajsi Estados Unidos, uan ompa tekitik Kampa Tematiltiaj ika Tapajtiloyamej, uan satepan Kampa kiitaj iTekiyo Dios.
Itech metsti septiembre xiuit 2008, tokniuj Sanderson yajki itech Tamachtilis tein kiseliaj Taixyekananij itech Sucursal, uan satepan kiixtalijkej semej Taixyekananij itech Sucursal ompa Filipinas. Itech metsti septiembre xiuit 2010 kiyoleujkej maj mokepa Estados Unidos, kampa kinpaleuij Tokniuan akin kiitaj iTekiyo Dios akin tekitij iuan Oloch Taojtokaltianij.