NETAJTANILMEJ TEIN KISAJ ITECH BIBLIA

¿Keniuj tamati Dios?

Dios se espíritu akin amo ueli tikitaj uan kichijchiuak iluikak, taltikpak uan nochi tein yoltok. Yejuatsin amo akin kichijchiuak; amo kipiak ipeujyan (Salmo 90:2). Dios kineki maj nochin kitemokan uan maj yekmelauj kiixmatikan. (Xikonixtajtolti Hechos 17:24-27.)

Dios kipia itokay uan komo tikitaj tein kichijchiuak, uelis tikixmatiskej seki taman tein kinextia, kemej inetasojtalis (Romanos 1:20). Sayoj ke okachi uelis tikixmatiskej komo timomachtiaj iTajtol, Biblia. Ijkon tikmatiskej keniuj tamati, kemej amo akin ijkon. (Xikonixtajtolti Salmo 103:7-10.)

¿Keniuj momachilia Dios keman kiita teikamauiltilis?

Jiova kitauelita teikamauiltilis uan kichijchiuak taltikpaknenkej kemej uelis kinextis tein yejuatsin kinextia (Deuteronomio 25:16). Yejua ika titelmiakej no tiktauelitaj teikamauiltilis tein noyampa moita. Dios amo itajtakol maj mochiua nejon. Yejuatsin kinkaua taltikpakneminij maj kiixpejpenakan toni kichiuaskej, sayoj ke miakej amo kuali taixpejpenaj uan kichiuaj tein amo kuali. Jiova semi kiyolkokoua keman panoua nejon. (Xikonixtajtolti Génesis 6:5, 6 uan Deuteronomio 32:4, 5.)

Jiova kitasojta melaujkayot, yejua ika amo kikauas maj nochipa onka tein amo kuali (Salmo 37:28, 29). Itech Biblia, Dios motenkaua ke amo uejkaua kitamis teikamauiltilis. (Xikonixtajtolti 2 Pedro 3:7-9, 13.)