TAMACHTILIS ITECH IPEUJYAN AMAIX | TEJUATSIN UELIS KUALI TIONMOUIKAS IUAN DIOS
Amo onkak okse taman tein okachi kuali
¿Toni uelis tikonchiuas tein mitsonpaleuis kuali xionmouika iuan Dios? Tikitakej seki taman tein moneki tikchiuaskej uan ijkon kuali timouikaskej iuan toTachijchiujkauj:
Tikixmatiskej uan tikuiskej itokay, Jiova.
Miakpa timonojnotsaskej iuan ika netataujtil uan keman tikixtajtoltiskej iTajtol.
Nochipa tikchiuaskej tein techtajtania.
Kuali tionmouikas iuan Dios komo tikonkui itokay, tiontajtoua iuan, tikonixtajtoltia Biblia uan tikonchiua tein yejuatsin kiyolpaktia
¿Tikonchiujtokya nejon uan ijkon tionmotokis iuan Dios? ¿Tikonnemilia ke moneki okachi kuali tikonchiuas se taman tein moijtoj? Tein melauj monekis tionmochikauas, sayoj ke xiontanemili itech tatiochiualismej tein tikonselis.
Jennifer akin kayot Estados Unidos kijtoua: “Chikaujkayot tein tikchiuaskej porin tiknekij maj okachi mochikaua tokuali uikalis iuan Dios amo nenkaj. Nejon kuali uikalis techualkuilis miak tatiochiualismej: okachi titakuaujtamatiskej iuan Dios, okachi kuali tikixmatiskej uan tein okachi kualtsin, okachi tiktasojtaskej. Amo onkak okse taman tein okachi kuali ke nejon”.
¿Tikonuelitaskia ijkon tionmouikas iuan Dios? Itaixpantijkauan Jiova ika miak pakilis mitsonpaleuiskej. Yejuan mitsonnextiliskej tein Biblia kijtoua uan amo monekis tiontaxtauas. No uelis tionyas nechikolmej tein yejuan kipiaj itech Kali kampa tiMosentiliaj. Ompa tikonajsis akin kuali mouikaj iuan Dios uan kiitaj kemej se tatiochiualis.a Ijkon kemej panoskej tonalmej tionmomachilis kemej akin kijkuiloj Salmo, yejua kijtoj: “Semi kuali maj nimotoki iuan Dios” (Salmo 73:28).
a Komo tikonneki tionmomachtis Biblia oso tikonmatis kani moajsi se Kali kampa tiMosentiliaj ompakauin kampa tionnemi, xikontajtani akin mitsonmakak nejin amaix oso xikontemo itech www.jw.org/ncj itech Internet kampa timoteixmatiltiaj. Xikonpatskili kampa kijtoua “kampa peua” uan xikonixpejpena se taman tein tejuatsin tikonnekis kampa kijtoua “Xitechontemo”, tein moajsi itech itamian página.