NETAJTANILMEJ TEIN KISAJ ITECH BIBLIA
¿Keyej moneki tikelnamikiskej imikilis Jesús?
Ika imikilis Jesús ¿Toni taman nemilis uelis tikpiaskej satepan? (Isaías 25:8; 33:24)
Imikilis Jesús yejua se taman tein okachi motelneki maj tikelnamikikan, porin ika nejon taltikpakneminij uelis oksepa kipiaskej tein Adán kipoloj. Taltikpaknenkej amo kichijchiujkej maj kichiua tein amo kuali, nion maj kokolispeua oso momikili (Génesis 1:31). Sayoj ke, tajtakol kalakik itech taltikpak itechkopa yekinika takat, Adán. Jesús kitemakak inemilis uan ijkon techkixtilis tajtakol uan mikilis. (Xikonixtajtolti Mateo 20:28 uan Romanos 6:23.)
Dios kinextij ueyi netasojtalis keman kiualtitanik iKonetsin nikan taltikpak maj toka momikiliki (1 Juan 4:9, 10). Jesús kinnauatij imomachtijkauan maj kielnamikikan imikilis ika se nechikol kampa kipiaskiaj tepitsin pan uan vino. Tiyetoskej itech nejin nechikol xijxiujtika kinextia ke tiktasojkamatiliaj Dios uan iKonetsin netasojtalis tein technextilianij. (Xikonixtajtolti Lucas 22:19, 20.)
¿Akoni moneki kikuas pan uan tayis vino?
Keman Jesús yekinika kiniluij imomachtijkauan maj kielnamikikan imikilis, ika tajtoj se netenkaualis (Mateo 26:26-28, TNM). Nejin netenkaualis kichiuak maj yejuan uan oksekin mochiuakan tekiuanij uan tiopixkamej iuan Jesús ompa iluikak. Maski millones kielnamikiskej imikilis Jesús, sayoj kikuaskej pan uan tayiskej vino akin pouij itech nejon netenkaualis. (Xikonixtajtolti Apocalipsis 5:10.)
Ajsitokya ome mil xiuit, Jiova kinixpejpentok akin tekiuajtiskej iuan iKonetsin (Lucas 12:32, TNM). Yejuan amo miakej kemej akin nemiskej nochipaya nikan taltikpak. (Xikonixtajtolti Apocalipsis 7:4, 9, 17.)