NETAJTANILMEJ TEIN KISAJ ITECH BIBLIA
¿Keniuj techpaleuiani imikilis Jesús?
Keman Dios kinchijchiuak taltikpakneminij kinekia maj nemiskiaj nochipaya nikan taltikpak, maj amo kipiaskiaj kokolismej nion maj momikiliskiaj. Sayoj ke yekinika takat Adán, amo kitakamatik Dios uan kipoloj nejon nemilis. Kemej tinochin tiikoneuan Adán, timomikiliaj (Romanos 5:8, 12; 6:23). Jiova, Dios akin melauak, kiualtitanik iKonetsin nikan taltikpak maj momikiliki uan maj techpaleuiskia maj oksepa tikpiaskiaj nemilis tein kipoloj yekinika takat. (Xikonixtajtolti Juan 3:16.)
Jesús momikilij uan ijkon tejuan uelis tikseliskej nemilis nochipaya nikan taltikpak. ¿Keniuj tikonnemilia ke yeski nemilis nochipaya?
Kemej Jesús momikilij, ueli techtapojpoluiaj totajtakoluan uan uelis tikseliskej nemilis nochipaya nikan taltikpak. Biblia techmatiltia keniuj yeski nemilis keman amo tiueuentsintiaskejok, tikokoliskuiskej nion timomikiliskej. (Xikonixtajtolti Isaías 25:8; 33:24 uan Apocalipsis [Revelación] 21:4, 5.)
¿Keniuj moneki tikelnamikiskej imikilis Jesús?
Youak achto ke momikiliskia, Jesús kiniluij imomachtijkauan maj kielnamikiskiaj imikilis itech se nechikol kampa amo mochiua miak taman. Keman xijxiujtika tikelnamikij techpaleuia maj titanemilikan keniuj Jesús uan Jiova techteltasojtaj. (Xikonixtajtolti Lucas 22:19, 20 uan 1 Juan 4:9, 10.)
Itech nejin xiuit, tikelnamikiskej imikilis Jesús lunes 14 metsti abril, satepan ke pankalakis Tonaltsin. Timitsonyoleuaj touan xionmonechiko nejon tonal. Itaixpantijkauan Jiova akin nemij ompakauin kampa tionnemi mitsonmatiltiskej okseki taman. (Xikonixtajtolti Romanos 1:11, 12.)