Keniuj tiktemakaskej revistas

La Atalaya 1 de abril

“Seki tajkuilouanij kijtouaj ke Jesús amo momikilij kemej kijtoua Biblia, ta monamiktij uan kinpiak konemej. ¿Tikonkakini nejon? [Xikonkaua maj tanankili.] Motelneki maj tikmatikan tein melauak [xikonixtajtolti Juan 17:3]. Nejin tamachtilis kijtoua seki taman keyej uelis tikneltokaskej tein Biblia kijtoua toni yekmelauj kipanok.” Xikonnextili tamachtilis itech página 26.

¡Despertad! Abril

Xikonixtajtolti Salmo 37:9-11 uan xikontajtani: “¿Keniuj tionmonemilia ke nemiskej taltikpakneminij keman mochiuas nejin tajtolmej? [Xikonkaua maj tanankili.] Nejin tamachtilis ika tajtoua keniuj mochiuas nejin tajtolmej tein semi kualtsin, uan kimelaua keyej axkan motelita tein amo kuali”. Xikonnextili tamachtilis itech página 20.

La Atalaya 1 de mayo

“¿Tionmotajtaniani keyej Dios kikaua maj onka tajyouilis? [Xikonkaua maj tanankili.] Xikonita keniuj kijtoj se akin kijkuiloj Biblia nejon netajtanil tein tel miakej mochiuiliaj [xikonixtajtolti Salmo 10:1]. Nejin amaix kinextia ika Biblia keyej Dios kikaua maj onka tajyouilis uan keniuj kitamis.”

¡Despertad! Mayo

“Miakej kinekiskiaj kikauaskej tachichinalis sayoj ke kimachiliaj tel ouij. ¿Tikonixmati aksa akin kineki kikauas nejon? [Xikonkaua maj tanankili.] Sekin kintelpaleuia maj imin chankauan uan imin tasojikniuan kinpaleuikan [xikonixtajtolti Eclesiastés 4:12a]. Nejin amaix kitemaka kuali tajtolmej tein kipaleuis akin kineki kikauas tachichinalis.”