Techtamakaj ijkuak moneki
1. ¿Keniuj mitsonpaleuij ueyi nechikol tein uejkaua se tonal tein yankuixtok tikpiakej? ¿Keniuj kinpaleuij oksekin?
1 Satepan ke tikakitij toueyi nechikol tein uejkaua se tonal, tikijtouaj: “¡Tikselijkej tein techpolojtoya!”. Se tokniuj takalpanojkej kijtoj ke satepan ke mochiuak se ueyi nechikol, sekin tokniuan kijtojkej ke kinekij okachi tekitiskej itech tanojnotsalis. Okse tokniuj takalpanojkej kijtoj: “Techpaleuij maj kuali tikitakan kani timoajsij itech itamian tonalmej uan maj oksepa tikitakan toni tiktayekanaltiaj itech tonemilis”. Uan okse kijtoj: “Miakej tanojnotsanij kijtojkej ke kinelnamiktij ke moneki kitayekanaltiskej tanojnotsalis, porin yejua tein okachi motelneki”. ¿Keniuj tejuan techpaleuij ueyi nechikol tein yankuixtok tikpiakej?
2. Itech xiujtekit tein ualas, ¿toni ika motajtos itech ueyi nechikol tein uejkaua se tonal?
2 Itech ueyi nechikol tein mochiuas itech xiujtekit tein ualas, no tikseliskej tein techpolojtok. Tema motaksaltia itech Salmo 118:8, 9, uan itech seki tanojnotsmej ika motajtos keniuj Jiova mochiua kemej se altepet tein kiyoualojtok tepamit keman tikpiaj ouijkayomej, keniuj tikinpaleuiskej oksekin maj kiajsikan nepaleuil itech iajtapaluan Jiova, keniuj no timochiuaskej imin nepaleuil oksekin kemej Jiova, keniuj telpochmej kinextiaj ke takuaujtamatij iuan Jiova uan keyej xochital espiritual tein Jiova techmaka mochiua tonepaleuil.
3. ¿Toni techpaleuis maj kuali tikselikan tamachtilis keman tiyetoskej itech ueyi nechikol?
3 Keniuj kuali tikseliskej tamachtilis. Ijkuak techiluiskej kemanian tikpiaskej ueyi nechikol, maj niman tikchiuakan tein techpaleuis maj ompa tiyetokan uan maj tikinyoleuakan akin tikinmachtijtokej ika Biblia. Kemej tiknekij ‘tiktemakaskej uel miak takilomejʼ, moneki kuali tikakiskej tamachtilis (Luc. 8:15). Yejika, moneki kuali tikakiskej ueyi nechikol, tikijkuiloskej ome eyi tanemililmej tein tayekantok uan tein tiknemiliaj tikuiskej itech tonemilis uan itech tanojnotsalis. Uan kemej kalyetouanij, moneki tikxeloskej tiempo satepan ke tatamis uan ika titajtoskej tein tikakkej. No moneki tikijtoskej keniuj tikuiskej tamachtilis tejuan uan tochankauan.
4. ¿Keyej moneki tikchiaskej ika ueyi tanejnekilis ueyi nechikol tein tikpiaskej itech xiujtekit tein ualas?
4 Itech xiujtekit tein ualas ueyi nechikol tein uejkaua se tonal kichijchiujkej ika nejmachkayot uan ika miak netasojtalis, ijkon kemej se takual tein uelik uan temaka chikaualis. Jiova uelis techtatiochiuis komo timochikauaj ompa tiyetoskej uan ijkon tikseliskej takual tein monektok. Nejon kichikauas totakuaujtamatilis tinochin titanojnotsanij (Mat. 24:45).